【報紙】張衞健自揭家醜開導黃貫中

* 編按:
記得看過 / 聽過一篇報導 / 訪問，說他小時候很頑皮，連張媽媽也拿他沒辦法，
直到有天，張媽媽親手寫了一封信給他，閱畢他很感動，自始便生生性性。
大慨如此，記憶可能有誤，如果可以找回那篇就好了....

日期: 2013年11月24日
來源: 蘋果日報

張衞健自揭家醜  開導黃貫中: 放下的秘訣是Forgive

前Beyond成員、49歲嘅黃貫中（Paul），日前忽然於微博控訴爸爸家暴，自爆三兄弟年幼時，爸爸拎大菜刀一刀刀砍媽媽，依家更出手打朱茵，Paul忍無可忍下，鬧爆稱百行絕不能以孝為先，自嘲有垃圾基因嘅Paul更向爸爸警告：「若你想再打我老母，我老婆，我怕自己會變自己的殺父仇人！」揚言不惜大義滅親。

阿Paul寫道:「爸請原諒我，酒色女人都不是大問題，我可忍受，但你打媽媽，拿起大菜刀一刀刀砍，那時我們三兄弟才八到十歲，我無數次希望你會對媽溫柔一點，然後媽媽就原諒你，那多好！」、「可惜你偏是一個心胸狹窄，只會活在過去零丁點風光的色老頭，就算媽有錯過，她也為你生了我們三兄弟，也熬過不少了吧？跟你聊天幾乎每次你都把所有錯推在媽身上，把媽說成早死早着甚麼的，希望她死？」情況令人擔心。

但自寫完呢篇微博後，阿Paul同朱茵都未有現身。好兄弟葉世榮就懷疑是不是電影宣傳而已。

噚晚十一點幾，張衞健更新微博，寫道:「我爸多年前拋妻棄子，我媽當然是充滿了恨意！可是這種情緒維持了沒幾年，我們問起老爸的事情她都能從容回答，這就證明了她能放下！ 放下的秘訣是Forgive而不是Forget!」似是開導緊阿Paul。

張衞健微博

健仔最疼愛是他的母親，爸爸當年離家出走，亦已不是秘密，健仔於多次訪問中，亦有談及爸爸。

有一次健仔說:「我呢一生人，最感激嘅係我媽媽，因為佢從來都冇放棄過我哋。我爸爸係行船嘅，喺我中二嗰年離開我哋，佢走當日，阿媽一直喊，十足十粵語長片咁。阿媽就問我哋三兄弟跟邊個，我哋齊齊答，當然係跟老母。阿媽當年只係三十零歲，佢絕對有權唔理我哋走去改嫁，但佢冇，反而好堅強咁養起頭家，周圍搵BB湊。當時湊一個B都有幾百蚊一個月，全盛時期我屋企有成六、七個B，我放學返嚟就幫手換片、開奶。煩0架，我食嘢佢哋又會走嚟搶，一日到黑嘈喧巴閉。」

健仔以自己同母親為過來人，隔空向黃貫中打氣。

健仔的媽媽余嘉碧已經75歲，早前遇溺昏迷，死過翻生之後，如今已經好番，侍母至孝嘅健仔雖然經常要返內地拍劇，不過一得閒就會陪媽咪，前日仲同媽咪去睇醫生順便行街，又一齊游水。沒有爸爸，但最重要有媽媽。