【報紙】亞視倒數: 徐小明重回亞視緬懷

日期: 2016年3月2日
來源: 東方日報

亞視倒數: 重回亞視緬懷　徐小明自爆曾被邀合作

資深影視人徐小明於七十年代起至九十年代，為麗的電視台及亞視擔任演員、導演、武術指導等，今晨召集歷代亞視台前幕後回大埔總台聚舊，早上七時許一眾舊戰友陸續抵達，前亞姐黎燕珊、李菁、筱靖、呂晶晶、蔡國威、煒烈等均有現身，半百人於亞視大樓的台徽和大門前合照，眼見亞視即將成為歷史，大家也感到很可惜。

憶「三進三出」亞視

再次重踏亞視，徐小明亦感觸良多：「經過幾個朝代嘅同事一齊聚一聚，係非常開心嘅事，證明亞視孕育好多人，見到亞視去到呢個地步自己都唔想，好惋惜。今日來緬懷一下，情緒已經放開晒，祝亞視有新轉機，之後無論乜嘢局面，或者可以轉型衛星電視台、其他平台發展。」提到「三進三出」亞視，見證亞視的高低起跌，當然難忘的是特別多，尤其麗的首任華人總經歷黃錫照管理年代，講到自監自導經典劇《大地恩情》，其高收視更威脅到無綫腰斬當時的劇集《輪流轉》，徐小明憶述：「當年打拼得好緊要，瞓都瞓唔到，結果打咗一場漂亮嘅仗，贏得好開心。」他又續說第三次回巢亞視，直言當時可謂孤軍作戰：「當時冇乜資源，但成功引入外購劇，好似《還珠格格》、《少年英雄方世玉》都創下好成績。」

直到去年入主的新投資者司榮彬，徐小明自爆曾獲對方邀合作：「佢邀請我打理電視台，可惜自己有業務好忙，分唔到身。（唔想執爛攤子而婉拒？）睇你用乜角度，當然做得好唔會有咁多傳言、困境，爛攤子係好艱難嘅時間發生出嚟，但如果有新資金可能可以翻身呢。」