【報紙】張衞健翻生全靠肥媽

* 編按:
相關影片可以按這裡觀看。

(來源: 影片截圖)

日期: 2016年3月20日
來源: 東方日報

《肥媽友誼長存30周年告別演唱會》尾場 (節錄)

殿堂級歌手肥媽（Maria Cordero）假紅館舉行尾場告別演唱會《肥媽友誼長存30周年演唱會》，吸引多位圈中好友捧場，包括徐小鳳、戴夢夢、狄龍、黃淑儀、鄧達智、王梓軒、魯芬、李寶安等人，而外籍老公則擔任鼓手，期間又送花給肥媽。

晚晚有唔同嘉賓

全晚肥媽邀得多位嘉賓好友上台表演，除了「男子組」吳志雄、李天翔、古卓文、「女子組」黑妹、蘇珊、方伊琪、羅敏莊及阮兆祥反串扮肥媽外，其餘嘉賓都跟首場不同，包括陳奐仁、黃小琥、身穿高衩裙的陳潔靈等人。

BIG FOUR任嘉賓，張衞健搞笑讚肥媽粉絲有活力！

張衞健話最霉dum dur時，多得肥媽簽佢登台拉番佢上嚟。

感謝提攜  張衞健翻生全靠肥媽

之後輪到Big Four出場，抵死的張衞健謂：「初初以為肥媽啲fans係三高，估唔到都幾有活力。」之後眾人跟肥媽談天，其中許志安及梁漢文都謂希望肥媽永遠不退休、永遠帶歡樂給大家，而張衞健亦正經謂：「多謝肥媽，記得廿幾年前，有一年我真係霉dum dur，有一日晏晝三點幾，安仔喺我屋企，我講我一整年真係冇收入，佢叫我搵啲騷做，我話都冇人搵我，佢就問我識唔識肥媽，仲介紹肥媽我識，肥媽二話不說即刻簽我十場。」安仔即謂：「估唔到你真係記得，仲以為你忘恩負義。」張衞健續道：「所以自此肥媽發現我聲色藝俱全，以後都搵我唔搵許志安。」蘇永康亦謂：「尋晚上網睇資料，原來肥媽08年已經獲頒榮譽徽章，佢做咗好多善事係冇人知，所以真係要秉承佢呢個精神繼續做好自己。」之後五人合唱《嘥氣》。

Big Four同肥媽。

感激好友支持

講到得到多位朋友助陣，問會如何答謝朋友？她表示：「買咗禮物，同埋會同佢哋每人食飯，在心中，真係諗唔到，我打畀健仔（張衞健），佢話佢哋Big Four都會嚟，我個日同阿細（蘇志威）食飯，叫佢哋做嘉賓，佢打畀經理人，一分鐘內覆我話得，巫啟賢又係，佢一句就話嚟，黃小琥又係，好多人都打嚟話點解唔叫我，發覺原來有咁多朋友咁錫我，令我飄飄然。」