【報紙】老婆捱病開騷 安仔: 盡咗力就係最好

日期: 2016年9月19日
來源: 頭條日報

老婆捱病開騷  安仔: 盡咗力就係最好

許志安擔心太太鄭秀文（Sammi）抱恙在紅館開騷，已連續3晚到場打氣。今日安仔到電台受訪，對於老婆鄭秀文（Sammi）感冒未癒、聲音沙啞，仍堅持開演唱會，安仔則以行動支持，晚晚去捧場。講到Sammi噚晚以「我老公嘅老友」介紹表演嘉賓張衛健出嚟，安仔表示冇聽到，問到Sammi平時係咪叫佢做老公？安仔笑笑口咁話：「唔係喎，我好多名。」叫「BB豬」？安仔傻笑稱：「嘩，你真係吖……佢一期期，突然間就講，梗係唔講畀你哋聽啦！」

Sammi因喉嚨發炎表演失準，飽受各方壓力，作為老公的安仔坦承一定會擔心和心痛，但也沒辦法，每個人都會生病，盡了力就最好，Sammi真的盡晒力，人生就是要面對未知及不能預計的事，這樣才好玩，因此他會用另一個角度欣賞今次的演唱會。續問Sammi首場痛哭後回家是否仍很不快？安仔謂：「她現是住酒店，我平時不輕易睡酒店，在香港就會回家睡。（有否安慰她？）有去看下她，後來她都好清楚，失聲也要面對，她處理得好好，粉絲都很錫她，對她很好！（如何給太太正能量？）揸住砰砰棒係咁扑囉，哈哈！」

問到可接受黃子華著二人盡快生B並改名「許勝不許敗」？安仔大笑道：「好鬼搞笑…咁囉！」談及子華讚二人是香港的童話，安仔似乎怕醜說：「唔好喇！」又禁不住再笑稱「許勝不許敗」這個名字怕讀幼稚園會有問題，罰抄也是永遠留堂的一個。對於子華取笑安仔對Sammi唱情歌要相距十幾呎，安仔稱唱歌不用站得太近；笑問二人甚麼時候才要好近？他笑稱要笑而不答。

談到Sammi昨晚第三場演出，聲線開始轉好，安仔認同是漸入佳境。那安仔會否上台擔任表演嘉賓？他稱從沒想過，不過除了一晚要到外地宣傳電影，其他場數都會捧場。對於健仔在台上爆料，指安仔和Sammi應是在他的3日2夜結婚之旅中復合，好應斟茶給他這個老爺，安仔哈哈笑道：「黐線！健仔經常講一些說話，令我話他黐線的！總之不是，那個時候還未。」