【報紙】蘇志威常找波友篤波

日期: 2017年5月12日
來源: 文匯報

蘇志威常找張智霖 張衛健篤波

蘇志威（蘇老闆）昨日到觀塘一間桌球室為ViuTV節目《約咗傅家俊》錄影，並與香港職業桌球運動員傅家俊（Marco）即場切磋，蘇老闆直言有壓力：「佢讓我80度，本來好有信心，結果我得89度，其實唔滿意，但喺鏡頭前打波真係有壓力。」

蘇老闆表示讀書時日日都蒲波樓，到之後返工就更瘋狂，他笑說：「入行前我喺灣仔返工，放工後去波樓玩到第二朝7點食完早餐又返工，好大波癮，不過入行後就因為太忙少打。」佢透露圈中都有唔少波友，有張智霖（Chilam）及張衞健（Dicky）：「有時會同Chilam（張智霖）打，大家水平差唔多，所以打得好緊湊，另外Dicky（張衛健）都係波友，有時一打就十幾個鐘。」蘇老闆笑言以前老婆唔會俾佢出去打咁耐波：「O依家大個仔啦，所以就俾囉。」

大家的水平差不多，問到會否賭波？蘇老闆說：「又冇乜賭波，都係打波鐘，同Chilam都係差唔多，成日七局四勝，試過一次分唔到勝負，我話不如唔好分就走。」問到老婆劉小慧肯放他去打通宵桌球？蘇老闆笑說：「嗰時係入行前，現在邊敢？以前老婆唔會畀我出去打咁耐波，現在大個仔就畀。」

剛度過51歲生日的蘇老闆，表示生日跟家人食飯慶祝，問到太太送了什麼禮物？他說：「我同老婆唔慣送禮物，唔使大家頭痛，（兩個女有何表示？）大女今年就冇整蛋糕，細女就寫咗幾個字畀我，生日願望係大家身體健康，開開心心，事業順利。」