【報紙】許志安明讚暗寸張衞健

* 編按:
希望食個節目可以開第二輯，咁就有機會睇張生對許生啦~

日期: 2017年5月15日
來源: 東方日報

明讚暗寸張衞健？許志安：唔識寫符碌嘛

歌手許志安與香港桌球手傅家俊（Marco）到觀塘拍攝ViuTV節目《約咗傅家俊》，Marco大讚安仔球技不俗，Marco說：「我哋識咗廿幾年，佢一向都打得好好，頭先一cue打咗28度，算好好。（你平時一cue打幾多度？）百幾！」

安仔則爆Marco當年好幫手，他說：「記得Marco當年幫我喺外國訂咗支cue棍，支cue棍依家已經絕版，以前試過有次叫張衞健幫我帶支cue棍，點知佢唔見咗，我好心急，打去啲桌球室周圍問，有冇人發現有人漏低cue棍，點知都係冇，好失望！後尾張衞健話支cue棍原來擺咗喺佢架車，佢唔為意，自此我珍而重之收好佢，今日都冇帶嚟，因為反正我用乜嘢cue棍，啲波都係一樣。」

Marco補充：「支cue棍依家大約升值到過萬元，算係名貴，因為一般嚟講，2、3千蚊已經可以有一支好好、好靚嘅cue棍。」

許志安話張衞健（中）球技有啲神來之筆，因為唔識寫「符碌」…

留名等睇你同張衞健鍊過~

安仔又應邀點評演藝圈中桌球波友球技，他說：「張衞健係有啲神來之筆嘅！（即係佢好『符碌』？）咁我唔識寫『符碌』嘛，咪話佢神來之筆囉！蘇志威就實而不華，我自評我喺圈中排名係第16啩，因為都唔知有冇16個人打桌球！其實我有諗過組織一個明星桌球隊，但好似唔係太多人打，所以算。（你哋有冇賭波？）以前輸咗嘅，就畀桌球室錢，後尾我覺得唔着數，都係逐舖計好啲。」