【報紙】90s無綫神劇金句大全 (節錄)

日期: 2021年3月22日
來源: 東方日報

90s無綫神劇金句大全 (節錄)

穿越劇始祖《尋秦記》絕對係細個不可不看嘅劇集，入面有唔少金句成為網絡Cap圖，古天樂飾演嘅項少龍，經常喺古代爆出現代用語，好似「你咁鍾意放蛇，唔好去做差婆！」、「你可唔可以唔好擺晒Pose用背脊對住我講嘢」，都咪話唔好笑。電影版《尋秦記》雖然映期未公布，但齋睇預告片，好多網民都話回憶都返晒嚟，仲Loop番90年代無綫經典電視劇對白，話當中好多對白夠晒警世，而且到今日都啱用！

《西遊記》

《西遊記》由張衞健飾演孫悟空，除咗佢生鬼演繹方法，仲有自創嘅對白成為金句，「我係⋯⋯如來佛祖玉皇大帝觀音菩薩指定取西經特派使者花果山水濂洞美猴王齊天大聖孫悟空」細細個覺得背得晒，一口氣講完兼且一字不漏就好威水喇！另外「型到跌渣！」、「噼啪你個隆的咚！」成為好多中小學生嘅口頭禪。

張衞健飾演孫悟空勁生鬼。

「噼啪你個隆的咚！」其實好多人都唔明咩意思。

「我係⋯⋯如來佛祖玉皇大帝觀音菩薩指定取西經特派使者花果山水濂洞美猴王齊天大聖孫悟空」，背唔背得晒？