【報紙】張衛健否認驚到嘔

* 編按:
小朋友的後應很正常呀~~ 換了是我也只會看著你呀哈哈哈。

日期: 2001年10月15日
來源: 星島日報

張衛健否認驚到嘔

張衛健昨日應新城電台邀請， 參加「 九月愛飛行」 活動， 帶同一位由內地來港的小朋友齊齊乘飛船， 欣賞香港的美景， 同行的還有DJ 顏聯武。

一向有畏高症的健仔， 笑言命仔緊要， 所以一上飛船就第一時間為自己和小朋友扣好安全帶， 兜了半個小時回來， 記者走上前預備做訪問， 豈料他一落地就十分搞笑話： 「 等陣再講， 我好想去廁所！ 」 。

說到坐飛船的感受， 他即「 埋怨」 道： 「 我以為飛船係慢慢上升， 點知原來速度都好快， 上到去仲要就記者有好角度影靚相， 飛船在空中掟兩個大彎！ 」 健仔本來撘住那位小朋友， 等佢唔使緊張， 點知最後變成自己驚到捉實小朋友的膊頭。

健仔話： 「 真係開得好快呀， 算啦， 唯有做犧牲品囉。 」 健仔就否認驚到嘔， 或者暈曬浪， 又道： 「 我諗住讓位小朋友坐在外面，等佢可以睇多D風景啦！ 點知佢睇住我仲多過睇風景， ​​哈哈！ 我已經不停提醒佢， 呢個係佢一生最美麗回憶， 佢都唔理， 係咁望住我，哈哈。 」

健仔謂自細​​的夢想是做足球員， 曾被看中做守門員， 當年仇志強更加教過他兩招， 不過後來因高度有限而打消念頭。這次坐飛船後， 發覺好自由好好玩， 他想學已故的喬宏叔駕駛飛機， 體驗自由自在的感受。

記者問到同坐飛船的小朋友感受如何， 他說：「 唔驚呀， ( 在上面和健仔做D乜？ ) 問佢IQ 題考下佢， 考佢咩？ 唔講啦，又要人講多次。 」