【報紙】兄弟同心 兩箱即食麵敦煌享用

日期: 2001年10月17日
來源: 新報

兩箱即食麵敦煌享用   張衛健梁炳兄弟同心

張衛健與梁漢文昨日上午11時許﹐齊集機場準備去敦煌拍攝《齊天大聖孫悟空》。張衛健更帶了兩箱公仔麵﹐他說﹕「我哋兩兄弟一條心﹗」他會同梁炳分甘同味。他表示出發前﹐張媽媽叫他帶壺湯同梁漢文一齊飲﹐但Dicky婉拒了媽媽的好意。Dicky亦帶了一對由美國買回來的Walky Talky去拍外景﹐得閒同梁炳遙遠傾心事。此外﹐他又帶了VCD, DVD去解悶。

其實Dicky會在本月24號回港一趟﹐因為他要任容祖兒演唱會嘉賓﹐他說﹕「今次要返嚟嘅﹐佢哋包我來回機票同酒店住宿﹐好體貼。」梁漢文則提著沉重的keyboard去櫃台check-in﹐他想藉住拍攝的空檔來作歌﹐希望有好的作品出來給大家欣賞。梁漢文說﹕「就算重啲都無辦法﹐除此之外重有兩三箱衫、羽絨、虧佬褲都有。我又打咗一支預防感冒針﹐我問醫生使唔使打埋破傷風同肝炎針﹖佢話唔係去柬埔寨﹐所以唔使。」此外﹐曾志偉知道梁炳要北上拍劇﹐打電話給他﹐相約12月或1月在上海會面。