【報紙】飛船掟彎嚇到尿急

日期: 2001年10月15日
來源: 新報

飛船掟彎嚇到尿急  張衛健: 我仲驚過小Fans

張衛健昨日達成一名十三歲男孩的心願﹐與他同坐飛船欣賞香港風景。Dicky (張之洋名) 呼籲藝人多些幫助有需要的人﹐助他們達成心願。原本Dicky畏高﹐但坐完飛船後﹐他竟想學揸飛機。

張衛健昨日與一名十三歲的男Fans同坐飛船﹐在二､三尺高空盤旋﹐欣賞香港的風景。小Fans本來以為飛船會好似直升機､小型飛機一般直上高空。但是﹐那飛船卻是向上沖﹐更轉了一個大彎﹐然後在二､三百尺高空盤旋﹐給傳媒拍照。過程中﹐Dicky為怕小fans會驚﹐所以搭著他的膊頭。Dicky說﹕「飛船一擲彎﹐我以為佢會驚﹐諗住搭住佢個膊頭﹐安慰一吓佢。誰不知﹐我愈攬愈實﹐自己重驚過佢。」原來Dicky本身有畏高﹐他都有少少驚。不過﹐他坐完飛船﹐著地之後﹐感覺十分舒服。Dicky說﹕「坐完之後﹐我覺得幾舒服。我都想好似喬宏叔咁﹐學揸飛機。」小Fans只顧望實Dicky，小朋友醉翁之意不在酒﹐Dicky透露發生了一件趣事。他說﹕「窗外有海、陸、空靚景﹐不過佢唔望﹐淨係掛住望實我。我就同佢講﹐有咁嘅機會睇到靚景﹐就要好好珍惜望多幾眼啦﹗」

唔夠高做足球員

Dicky表示他小時候﹐都有一個願望﹐就是想長大後成為一個出色的足球員。他透露自己小時候都得到前南華足球隊教練黃偉文的賞識﹐對方覺得他很有踢足球的潛質。不過﹐Dicky說﹕「佢真係覺得我幾有潛質﹐但係可惜我十二､三歲之後都高唔出標準﹐教練話就算做守門員都要五呎五吋以上。於是﹐佢就建議我另謀發展。」

Dicky覺得塞翁失馬﹐焉知非福﹖他說﹕「無得做足球員之後﹐我就決定要做一個明星﹐唔理係咩星﹐我一定要做一顆明星。今時今日﹐我都叫有知名度﹐喺海外都有市場﹐總算有成績。」