【報紙】張衛健倒吊接吻皮甩嘴損

日期: 2002年8月15日

來源: 東方日報

張衛健倒吊接吻皮甩嘴損　拍MV 享豔福代價沉重

張衞健在台灣拍ＭＶ，與女主角有咀戲，但竟然拍到頭皮甩，嘴又損。健仔指外間以為他有靚女錫豔福無邊，豈知背後絕不好受。

健仔在台灣為新碟中的《身體健康》拍攝ＭＶ，足足拍了二十四小時，令他身心疲累，他笑笑說：「導演梗係以為我係孫悟空啦，識得飛。」原因是其中一幕咀戲，要健仔在堤壩上倒吊拍，令他透不過氣，當人人都以為他享盡豔福時，健仔無奈的說：「睇係好睇，大家以為我好爽，有靚女咀，點知一啲都唔好受。」

險吊至腦充血

由於健仔處於倒吊狀態，鏡頭外要好幾個人拉着他的腳，以防他跌下，健仔笑道：「幾乎吊到我腦充血！」由於烈日當空，終於他的光頭在暴曬下曬到甩皮，接吻戲又因倒轉夾位不容易，竟咀到損了嘴。而健仔翌日出席唱片記者會時更被劉德華取笑，健仔惟有自嘲甩皮頭似一幅地圖。