【報紙】張衛健向黎明、偉仔認錯

* 編按:
原來鬼是會「拍」喉嚨的。哈哈哈。

日期: 2002年8月27日
來源: 蘋果日報

張衛健日前做劉德華演唱會嘉賓時，在台上暗寸黎明喜愛做新聞，梁朝偉則待人冷酷。昨日張健到港台接受《開心日報》訪問時，有黎明歌迷去信港台質問他憑甚麼指黎明做新聞。

張衛健昨日到港台接受訪問。

「俾鬼拍喉嚨」

而張健在節目甫開始，便公開向黎明和梁朝偉兩人認錯，他說：「我錯晒，一起身睇報紙就知道自己又錯，今次冇得解釋，可能農曆七月鬼節嘛，咪俾鬼上身，俾鬼拍喉嚨。」張衛健續說：「我有講過先弊，亦弊就弊在記者冇誤會我意思，真係要同佢講唔好意思，總之我唔係有心，亦都唔係攻擊人，只係開玩笑。其實我同黎明平時都冇乜兩句，一時口快。家搞到我做 live都有少少陰影。」