【報紙】《獎門人》葛民輝玩踢爆

日期: 2002年9月12日
來源: 太陽報

《獎門人》葛民輝玩踢爆   張衛健扮馬騮精人有三急賴屎

張衛健與蘇永康這對好兄弟，前晚錄影《吾係獎門人》時，前者被踢爆拍劇時曾放屁「賴屎」，後者則被取笑勒戒、重獲新生，還經常提及Fing頭話題，難得二人都不介懷，健仔更自稱天生我才必有用。

張衛健、蘇永康、梁漢文、葛民輝及孫佳君等前晚錄影《吾係獎門人》，健仔被阿葛踢爆拍《齊天大聖》時，因人有三急而放屁「賴屎」，要趕回酒店換褲。不過健仔不但沒有嬲怒，還自爆說：「我讀中一個陣，因為地鐵冇廁所，都試過賴一次。（唔嬲被踢爆咩？）天生我才必有用，畀佢地輕鬆吓啦！」

張衛健在《獎門人》節目中，慘被葛民輝踢爆在橫店拍《齊天大聖》時放屁賴屎。

在《吾係世運會》環節，阿葛同孫佳君走完石春路後說：「下面痛苦上面快活，好正。」健仔原不必走石春路，但曾志偉指他是孫悟空有觔斗雲，走石春路不會痛，要他和肥導演示範，但肥導演不知所終，結果找來二百五十磅的肥記者頂替，健仔走完石春路，登時面青唇白。

康仔被笑「趕住勒戒」

除健仔外，康仔也成焦點，如笑他「趕住勒戒」、「重獲新生」，還有很多關於Fing頭的話題。玩《閂大閘》時，謎底是「陳雅倫」，梁漢文提示康仔說：「你個仇人，好憎果個？」康仔馬上答中，事後他強調說：「全世界都係朋友，冇仇人，唔好問呢個問題，我唔會答。（佢地成晚提Fing頭喎？）知恥近乎勇，我唔介意。」

另外，台灣雲林縣籌辦的反毒大型活動有意請康仔參與，唱片公司雖決定代向行政院新聞局爭取解除限制行動，但康仔能否演出仍是未知數。