【報紙】內疚帶松鼠狗行沙灘唔見咗

日期: 2002年9月24日
來源: 東方日報

張衞健內疚帶松鼠狗行沙灘唔見咗

張衞健昨日見到記者時冇厘心機，記者追問發生甚麼事？健仔唉聲嘆氣說：「我昨日（即前日）整唔見咗隻松鼠狗，我哋養咗佢成十年，係媽咪嘅心肝椗，晚晚都陪住媽咪瞓，依家媽咪喊到飛起，搞到我好內疚，都唔知點安慰媽咪。」

諗嘢十五分鐘出事

健仔謂這隻松鼠狗女叫「飛飛」，是弟弟送給媽咪的禮物，他自責地說：「『飛飛』由我唔紅睇到我紅，嗰日我帶埋『飛飛』送個朋友返黃金海岸，之後我就同佢去咗行沙灘，自己坐喺沙灘度諗嘢，過咗十五分鐘，我叫『飛飛』冇反應，先知道佢唔見咗，我搵咗三粒鐘都搵唔到，今日又陪媽咪再去搵，但一樣搵唔到，希望執到『飛飛』嘅人好心有好報，俾番隻狗我，等我哋可以一家團圓，我一定俾重酬答謝。」