【雜誌】安仔鬧市搵人兇記者

日期: 2004年6月4日
來源: 忽然一周第462期，媽咪姐手記

安仔鬧市搵人兇記者

近日唔少電影都鍾意鬧市拍攝， 好似張衛健套《 伙頭智多星》 ， 早前（ 5 月26 日） 就在旺角金聲戲院附近一間小食檔取景。當晚未埋位前， 有份拍攝的張衛健同許志安就匿保母車煲煙、 對稿， 直至set 好位， 佢地至施施然落車。

班記者等左成晚終於見到大明星， 梗係狂影相， 兩旁fans 亦猛嗌:「 安仔、 安仔！ 」 不過安仔個樣就勁cool ， 望都冇望fans ， 而佢身邊彪形大漢就凶神惡煞大嗌:「 有乜好影、 影乜呀！ 」其間又有人搵電筒猛照記者， 好冇禮貌。

其實當時未正式拍攝， 加上個度係公眾地方， 冇必要咁樣趕記者， 既然咁巴閉， 封條街咪一了百了！