來源: 台長KKK
未出有老翻搶閘賣$60 無線急變陣12月播《功夫足球》
電視劇《功夫足球》尚未播出，盜版已充斥香港市面，只要付出六十元便全套三十集任睇，片主寰宇震怒之余，連已購入版權的無線電視亦急謀對策。無線決將陳曉東與徐熙媛主演的外購劇《倩女幽魂》延遲推出，讓《功》劇提前在耶誕節檔期播映。
由張衛健、吳君如、Twins、容祖兒等主演的《功》劇，剛被寰宇電影購入全部版權，然而國語版盜版已充斥市面，雖然封面製作粗糙，靈魂人物張衛健更不見蹤影，然而劇中的特技場面依然足秤。
寰宇老闆娘林太得悉此事後甚爲氣憤，還表示：「而家無線論電視同電影都系咁，盜版問題連政府都控制唔到，業界已經去到十萬火急時候，而家演員費又貴，根本平衡唔到製作，又冇票房保證！其實有盜版就一早預，估唔到咁快！我對電影業心淡，而家開戲都要好小心，好多公司嘉禾、寰亞、星皓都開少戲，真系唔知點做！」
無線變陣提前播
《功》劇本安排明年三月在無線播出，但無線開會後決定變陣，提前推出打擊盜版，要《倩女幽魂》讓路。至於有線主播吳君如有份參與演出，加上有傳因君如曾參加七一遊行令內地審批受阻，問及無線外事部助理總監曾醒明會否刪減君如戲份？他只謂：「刪減戲份主要系配合劇集節奏，同唔閤家歡時間播出，唔會因爲人物同話題敏感而刪減。（咁會唔會邀請君如做宣傳？）呢要等製作部處理。」
而有線執行董事徐小明則認爲：「我好樂意唔同渠道畀藝人增加曝光，呢樣對成個業界都系好事。」
