【網絡】片場阿姐齊撐張衛健

日期: 2004年10月4日
來源: 台長KKK

片場阿姐齊撐張衛健  張達明爆王伯昭專恰幕後

內地演員王伯昭傳被張衛健與謝霆鋒「假戲真打」一事，鬧得滿城風雨，不過張達明前晚表示，王伯昭經常恃勢凌人，在片場可說是犯眾憎人物。

前晚張達明在電台接受訪問時透露，早前他在橫店拍戲期間，也聽聞王伯昭傳被張衛健和謝霆鋒「假戲真打」的事件，他說：「我開緊工聽到片場阿姐話隔籬組有人打架，講到好嚴重，又話要報公安，不過我懐聽鱓阿姐講鰟個人（王伯昭）唔係幾好，成日好似扮到好勁咁，又擅自坐化妝師阿姐張凳，坐左兩日，人地問佢攞番，佢居然發脾氣，人品好似唔係幾好，所以鱓阿姐知道佢畀人打，都話大快人心。」

此外，據悉王伯昭當日是自行步行到醫院，達明說：「第一日佢行入去，不過到第二日佢就獱拐杖出鈬，到第三日就坐輪椅，最後一日直情入醫院留醫。」身旁的主持黃偉文搶著說：「莫非佢係醫院畀人打，咁即係關醫院事至真喎！」達明直言認識健仔至今，認為他沒有理由打人：「我地都有同內地演員合作，呢件事發生之後，講真有時都幾尷尬，因為大家立場唔同，有時食飯都會拗呢個問題，真係擔心愈搞愈大，到時杯葛香港演員就唔好。」