【網絡】安仔、健仔密謀鬆人

日期: 2004年10月27日
來源: 台長KKK

安仔、健仔密謀鬆人

張衛健、 容祖兒、 吳君如同Twins 等主演既劇集《 功夫足球》 ， 有傳因為吳君如參加過7.1 大遊行， 而令劇集被內地封殺， 但聽聞有力人士一直為《 功》 劇周旋解封，結果皇天不負有心人， 搞左半年， 套劇下月開始係內地電視台播映， 無線就暫定十二月出街。

《 功》 劇係由寰宇同M8 共同投資製作， 不過劇集係解禁前夕， 有消息指M8 將劇集既股份賣曬畀寰宇。之前有報道話M8 財困， 重一度拖欠員工薪金，​​ 旗下藝人林保怡會簽番無線、 許志安又搵緊新經理人、 張衛健亦計劃係明年約滿後鬆人， 所以今次M8 將股份變賣， 相信又會惹黎敏感猜測。

冇剪君如戲份

噚日寰宇老闆娘林太係電話度話： 「 套劇確係過曬關， 會係下個月陸續係全中國各地電視台既黃金時間播出。 」 問到M8 係咪因為水喉乾涸而賣股？林太就支吾以對， 唔肯正面作答。
製作人蕭定一就話劇集遲出街係因為要做大量特技， 套劇題材健康， 唔使點刪剪， 吳君如既戲份亦都冇剪過添。