【網絡】踢爆安仔唱兒歌氹鄭秀文

日期: 2005年4月8日
來源: 台長KKK

踢爆安仔唱兒歌氹鄭秀文

《殘酷一叮》前晚錄影，邀來張衛健當嘉賓，他一開場即唱了自己的首本歌《足球小將》：「攻呀攻，快搶攻，射呀射它吧！」並說：「我曾經將呢首歌送畀安仔同Sammi（許志安及鄭秀文），祝福佢哋，但係可惜呢段情無疾而終，攻乜射乜都唔得啦！」

前晚的一集，由於上次的台主要專心唸書放棄衛冕，故今次台主不必接受挑戰，這次台主由唱馬浚偉的《想飛》之李家豪奪得，他一邊唱歌一邊做掌上壓及Sit Up，維持了60秒共獲6000元獎金；兩個主持人李克勤及梁榮忠要求他再來一次，他亦不推搪照做，邊唱邊做掌上壓維持了50多秒時間，但主持人卻出蠱惑，把時間校到只得30秒。不過，克勤在與監製商量過後，多加3000元獎金，成為有這個節目以來獎金最多的一個，而30秒時間則不計算在內。克勤表示：「我哋覺得佢好有誠意，叫佢做乜都肯，所以有獎勵。」

前晚亦有一個八歲莫姓小朋友參賽，叫莫偉男。克勤笑言怎麼自從莫凱謙之後，有這麼多姓莫的小朋友來參賽？莫偉男唱的是孫悅的《怎麼Happy》，可惜Key不太準，只唱了52秒便被叮，他也懂得唱青藏高原的民歌，更被邀即場表演。另一個唱《中國人》的參賽者一路唱一路打功夫，稱是「十二路譚腿」，但克勤說：　　「咁就叫十二路？未到『痰』只係『口水』喎！」參賽者竟然反駁：「你試吓做囉！」

節目完畢之後，健仔表示，在演唱會上也曾就好友的感情說過這番話，不過：「點都好啦，依家已經過眼雲煙。」健仔又說，覺得《殘酷一叮》這個節目好玩，會向監製反映，應多製作類似節目。「香港人太內斂、怕醜，其實可以放開啲，呢個年代唔同晒，頭先有個Auntie喺度唱《今晚夜》，雖然克勤同忠仔都揶揄佢，不過佢都冇嬲，仲笑容滿臉。」剛從泰國度假返港的健仔，大力支持振興當地經濟，身體力行去消費。