【報紙】健仔爆鼓勵安仔攻Sammi

日期: 2005年4月7日
來源: 東方日報

健仔爆鼓勵安仔攻Sammi

無線騎呢表演大賽《殘酷一叮》前晚錄像第十三集，請來張衛健（Dicky）擔任嘉賓評判。節目開始時，大會播出Dicky的經典歌曲《足球小將》，兩位主持人李克勤及梁榮忠即學唱：「攻呀攻……射呀射、射它吧！」三個大男人當場笑口吟吟，唔知諗乜！後來Dicky突然感觸的說：「當年我都鼓勵許志安唱呢首歌畀Sammi（鄭秀文）聽，叫安仔『攻佢、咩佢』，可惜最後都無疾而終，令人惋惜！」

釋放表演欲

節目一開始有Dicky大爆「冧女計仔」，至於參賽者的水平亦頗高，其中張竣然扮李小龍唱華仔的《中國人》，還邊唱邊勁踢腿，可惜他有心無力，密密「扯蝦」喘氣，加上口齒不伶俐，慘遭克勤勁寸！至於李家豪則邊做掌上壓邊高歌，主持人見他「起勢咁做」，結果在他六十五秒被叮後，再予他表演機會！最後他又encore做多卅秒，為他帶來九千五百元獎金兼台主寶座，更刷新有史以來最高獎金紀錄。

出名是搞笑王的Dicky，事後也力贊參賽者表現夠水平，他說：「香港人一向內斂怕醜，今次呢個節目畀大家表演機會，釋放內心0個團表演欲，非常之好玩！ 」提到當年有心撮合安仔及Sammi，可惜最後二人分手收場，Dicky也嘆說：「呢0的都係過眼雲煙0者！」