【報紙】打情罵俏幸福滿瀉

* 編按:
So Ssweet~~~

日期: 2008年7月29日
來源: 蘋果日報

打情罵俏幸福滿瀉  健仔、張茜北京行禮任影

張衞健（ Dicky）同老婆張茜前晚盛裝出席尖沙嘴舉行有線娛樂新聞台5周年生日晚宴，當傳媒稱呼佢地張生張太時，佢地表現得好開心，反而當司儀係台上叫佢地做 Dicky同張茜時， Dicky主動話：「不如叫我地張生張太。」連張茜都話：「由我張太公佈九位入選主播既名單。」

有主播問張茜收過乜野難忘既生日禮物？ Dicky搶住話：「乖，答啦，有老公係度。」張茜先至甜絲絲咁話，每年生日無論 Dicky係咪係佢身邊，都會收到佢送既玫瑰花。

張衞健同張茜前晚透露籌備補擺喜酒同係教堂行禮。

揀婚紗懊惱

Dicky透露下個月會返香港出席好朋友羅慧娟既婚宴，講到係不丹完婚既梁朝偉同劉嘉玲返香港之後都會補擺酒，問幾時輪到佢地？ Dicky話：「近來唔忙，會認真諗補擺酒既安排，不過唔一定係香港。」張茜就話：「北京會係首選，我想行教堂，搵間靚教堂舉行。」會唔會效法梁朝偉同劉嘉玲去遙遠既地方避追訪？ Dicky話：「咁又唔使，偉仔係佛教徒，我地係天主教。」張茜跟住話：「一定同大家講，大家可以黎影。」

張茜又透露仲未影結婚相，佢話考慮行禮當日先至影。至於婚紗款式，佢話：「諗到頭都大晒，唔知自己訂好，定係搵人設計。」 Dicky笑住話自己設計平D，張茜即刻話：「我會慳。」 Dicky聽到老婆咁體貼，佢忍唔住話：「唔緊要啦，你咁細粒用到幾多布呀。」