【報紙】Big Four 合照唔過三張

日期: 2010年1月7日
來源: 東方日報

Big Four 合照唔過三張

由張衞健（Dicky）、梁漢文（Edmond）、蘇永康與許志安四位歌手組成的BIG FOUR，將於3月舉行世界巡迴演唱會香港站，其優先訂票已火速爆滿。

BIG FOUR將於3月舉行世界巡迴演唱會香港站，外界反應熱烈。

蘇永康嘲安仔中年危機 

四子早前齊集拍攝個唱海報，更請來林海峰與攝影師夏永康操刀，當日林海峰安排四子咬着玫瑰，問到BIG FOUR可知當中意思？安仔說：「會唔會係40一支花？」即被蘇永康笑指安仔有中年危機，而Dicky則笑言寓意BIG FOUR「攣都可以拗直」，康仔則提議將花換蛇說：「睇吓可唔可以拗直條蛇！」引得全場笑翻肚皮。

林海峰與夏永康為四子的海報拍攝操刀。

四子咬着玫瑰拍照，相當搞鬼。

康仔表示四人相識多年，但甚少合照，他說：「十幾年唔超過3張，Edmond結婚嗰日一話影相幾廿個頭就隊埋嚟！」

張茜舉家撐場

另外康仔向來對潮流甚有研究，當日服裝亦由他負責，安仔說：「我哋打算畀個名銜佢，我就諗到『服裝提供或設計』，但Dicky話叫佢做『時裝達人』或者『敗家康』都得喎！」而康仔就自封「形象及衣櫃」，相當有創意。至於四子會否邀請另一半到場支持？康仔與安仔堅決要身邊人自掏腰包，康仔更言阿媽都冇面畀。而Dicky就透露太太張茜將舉家南下撐場。