【報紙】廿年兄弟情比金堅

* 編按:
相關訪問影片可按這裡觀看。

日期: 2010年1月11日
來源: 頭條日報

反應熱烈扑錘加場 廿年兄弟情比金堅 Big4台上集體回憶

能夠踏上紅館舞台開騷的，斤兩必十足。3月11至14日，許志安  、梁漢文  、蘇永康  、張衛健  以「Big 4」名義開騷，彼此相識相交20年，今天終能湊在一起跟歌迷集體回憶，說開騷，倒不如說是開Party，切合得多。

主持：黃柏高　
統籌：林永匡
協力：彭燕燕、袁東亮
場地提供：火鍋館（電話：2377 2820）　
化妝：Maggie Lee
髮型：Billy Choi@Hair Culture（許志安）及 Moe@Chin G.（梁漢文、蘇永康）

============================================================

娛樂圈總是跟紅頂白，同行如敵國，難覓真感情，許志安、梁漢文、蘇永康、張衛健（Dicky）卻能建立比血脈還要親的兄弟情，實屬難得，孖住開騷構思更講足多年，今年終成事。

Dicky、康仔、Edmond及安仔四兄弟，以「Big 4」名義在紅館開騷，單看陣容已經值回票價。

Edmond：「其實由安仔第一次個人演唱會後（96年）已構思，但始終四個人難夾期。」

Dicky：「我地各有不同崗位，安仔思維好清晰，負責揀選宣傳方法，阿康同Edmond就主力音樂，而我就簡單，負責演唱會當晚既尖叫聲。」

安仔：「識咁多年，咁Friend，只係試過98年一齊去日本旅行，香港開騷係序幕，我地最期待走埠，台灣、星馬、加拿大已傾，記得好多年前跟梅姐走埠，唔記得係邊度，但就好開心，係一D零碎片段，只要將D零碎片段堆埋，就係一幅畫，一個美好回憶。」

曼聯Edmond:「《Big 4》首歌一埋位就知點唱，大家真係好有默契。」

車路士Dicky:「Mark Lui話明唔准我地一齊錄音，驚我地掛住玩。」

「Big 4」得來不易

喜歡足球，對「Big 4」這名詞絕不陌生，有說是潮人林海峰  替他們改的，Sell團隊精神，後來更得Mark Lui編曲、Wyman填詞，創作演唱會主題曲《Big 4》。

Dicky：「《Big 4》係Party Song，我覺得Mark Lui完全明白我地想要乜，再配合Wyman既詞，好係我地，我最鍾意那句『自信心跌壞過　自發功猛得多』，意即外界點打擊我地都好，我地都會自發功去攻。」

康仔：「Big 4想畀人感覺係成熟D，有練力，所以用厚聲去演繹，唔想畀人覺得係Boy Band。錄音時好自然，完全知邊段係講我，邊段講安仔，我有問Wyman，佢話無特定，隨心。」

Edmond：「我地分開錄音，一埋位已知道點去演繹，巿場上好耐冇推出Party Song，感覺好正。」

阿仙奴康仔:「點都好，總之唔要做Boy Band。」

利物浦安仔:「我覺得Big 4個Feel好夾好順口。」

愁爆度Rundown

要知道，這些年來，Big 4金曲一直陪伴歌迷成長，要編定演唱會Rundown超難，更難的是，觀眾慣性8點9才入場，要掌握時間才能贏得漂亮，與其逾時罰錢，倒不如提早至6點開騷，唱足5粒鐘。

Dicky：「嘩！你仲狼過我，我話7點開騷都俾人話狼，不如請埋嘉賓唱早場，咁一定有賺。康仔為今次個騷苦練舞步，加埋我地三個陪舞，實有睇頭。」

康仔：「呢個過程幾開心，自己真係未試過排舞，形象方面要乾淨、醒目，服裝我搞，總之要個個靚靚仔仔。」

安仔：「講Rundown真係好頭痛，煩憂左好耐，預左罰錢都要唱，依家個個有份量，唔通真係一人唱5首歌就算？我相信4個人走埋一齊實有化學作用。」