【報紙】Big Four初三見面嗌交應節

日期: 2010年2月16日
來源: 東方日報

Big Four初三見面嗌交應節

娛樂圈公認友情深厚的BIG FOUR，笑看個唱之是非，以行動力證感情穩固，即使常以「唇槍舌劍」相處，仍百無禁忌，實行「鬧」出笑聲賀虎年。

BIG FOUR每年度歲都會聚一聚，認真兄弟情深。

由張衞健（Dicky）、梁漢文（Edmond）、許志安、蘇永康組成的BIG FOUR，兄弟情深，每年度歲總會找機會一聚，Dicky說：「通常係初三、初四喇，唔怕赤口嗌交，咪當應節囉！」已成家立室的Dicky與Edmond談到派利是，感覺就相當極端，視派利是為興趣的Edmond，從小已喜愛「分享」，將𢭃到的利是派予弟妹。相反Dicky就大叫怕怕，他說：「特別係上年，始終第一年，好似唔好意思派咁！」至於安仔對派利是心態就隨年紀改變，他說：「細個會自己寫『財神』四周拍門𢭃利是，依家鍾意派，見到人哋接嗰個開心樣，都想快啲派個有『許』字利是封，但未係時候啦！」

Dicky（左）想起派利是都怕怕，而安仔則希望盡快派利是。

睇準目標逗利是

問到四子𢭃利是必殺技？Edmond即想起唱片公司高層黃柏高（Paco），他說：「𢭃完換衫再𢭃過，總共𢭃咗三次，Paco知㗎，不過佢又照派囉！」至於康仔則睇準目標行動，他說：「聽聞賭王封利是好大封，年年都問何超儀佢爸爸喺邊，但都冇成功過！」

康仔（右）與Edmond當所有關於個唱的是非作宣傳。

不實報道當宣傳

自BIG FOUR決定舉行個唱，相繼而來是非即傳個不停，先有指好友吳國敬不滿被飛數臭BIG FOUR，隨後再傳歌酬不平等分配，BIG FOUR聞言只哈哈大笑，康仔說：「莫名其妙，當宣傳囉，阿敬回應之前早就同咗我講點回應，歌酬點會有分別，講好咩都除四。」Dicky更笑言全靠是非報道炒熱個唱才大收旺場。

化妝：Maggie Lee
髮型：Billy Choi及Moe@ Chin G
場地：港威酒店綾綢宮
龍獅團：（香港譚沛圓龍獅總會）劉兆發龍獅團