「我又唱得跳得講得唔係個個得。」啊哈哈哈哈~ 甚麼時候也在香港開個人音樂會呀?
日期: 2014年4月9日
來源: 蘋果日報
拒開大型個唱 唔同老友爭飯食 張衛健: 唔好令人地難堪
張衛健（Dicky）噚晚喺澳門星際酒店舉行音樂會，好友吳國敬擔任特別嘉賓，搞氣氛一流嘅Dicky，唱完第一首歌後，就以普通話講：「誰拍掌大聲點便贏得更多錢，為甚麼我的普通話變得那麼爛，可能近香港就會這樣。」
現場有觀眾要求Dicky轉講白話，Dicky指要顧及大部份講國語觀眾，因為講白話的人，會聽得明普通話，但講普通話的，未必聽得明白話。
張衛健噚晚澳門開騷，除咗獨唱八首歌外，又與女舞蹈員火辣共舞。（攝影：馬建華）
Dicky同好兄弟吳國敬合唱，炒熱全場氣氛。
全晚佢獨唱八首歌，當中包括哥哥嘅《風繼續吹》，之後又跟老友吳國敬合唱一連串快歌，期間更走到台前觀眾堆握手，場面頗為混亂。
Dicky笑言拒開大型個唱，以免同唱家班爭飯食。
Dicky笑指唔會開大型個人演唱會，佢話：「唔會啦﹗我又唱埋咪同啲唱家班爭飯食，好似安仔（許志安）、Edmond（梁漢文）、Sohong（蘇永康）咁，我一唱就有比較，唔好令人哋難堪，做人有啲餘地好，唔係佢哋唔好，各有長處，我又唱得跳得講得唔係個個得。」
Dicky呢個戴帽造型.....都唔錯。
* 編按:
記者寫這句是甚麼意思呢~ 嘻!
一看到便想起《逃學外傳》裡他那「張一健家姐」的女裝扮相了!
與女舞蹈員大跳貼身舞。
近年開始將工作同家庭時間盡量取得平衡，Dicky指早於媽咪遇溺件事之前，經已思考是否一世就不停工作，不停在各地賓館過夜走埠，佢話：「依家都可以做到工作、家庭同私人時間取得平衡，仲有時間做義工工作。」講到2015年生B大計，佢指一切順其自然，得上天安排。
吳國敬聯絡緊朋友度期出席佢的作品展。
將會喺會展舉行作品展嘅吳國敬表示，陸續聯絡緊朋友度期出席，問到搵咗之前被佢激嬲嘅蘇永康未？佢話：「未呀，等佢嬲完先，不過無事0架啦﹗」在旁Dicky指朋友邊會嬲咁耐，不過建議阿敬都係主力寫歌唱歌，唔好再講咁多嘢。
沒有留言:
發佈留言