來源: 東方日報
Big Four亂噏 蘇永康寸梁漢文：前列腺開叉
Big Four和雷頌德一同出席「香港男仕健康學會」活動，組成5人足球隊和醫生隊比賽，最後以6：9落敗。當中以梁漢文狀態大勇，甫開場便為明星隊連入3球。另外，他們又要解答有關大腸癌的問題，當問到痔瘡和大腸癌是否有關時，眾人即笑言要問許志安才知道。
左起：張衞健、梁漢文、蘇永康、許志安、雷頌德
Big Four難得聚首一堂，一講起「男人病」就妙語連珠，爆笑連場！
Big Four孖雷頌德（左四）組成明星5人足球隊和醫生隊比賽，最後以6：9落敗。
張衞健唔肯定有冇生痔瘡
訪問時，問眾人可曾生過痔瘡？安仔即笑言：「呢個要張衞健答！」Dicky說：「我冇痛過，冇出過血，係咪即係冇試過？其實好幾年前，蘇永康係第一個驗直腸，之後都苦口婆心叫我哋驗，但好遺憾到依家我都仲未去驗。」
為生計努力工作
Edmond插口表示也未檢驗，安仔即寸兩人：「再唔去你兩個無得去！」安仔表示已做檢查，但否認是婚前身體檢查。蘇永康則表示年年都會做身體檢查：「我哋幾個都係有家室嘅人，係經濟支柱，所以身體健康係好重要。」Dicky和應：「因為為生計而拚命努力，男人往往忽略咗健康。」
講「男人病」妙語連珠
問到眾人可有「男人病」？Dicky笑言：「咩係『男人病』？我連前列腺喺邊都唔知！」蘇永康指住Dicky說：「喺條頸到。」Edmond攤開手掌插嘴說：「好似喺手掌度！」蘇永康又說：「嘩！你條前列腺仲開叉！」Edmond笑言：「咁要搵蘇民峰睇一睇掌！」
Edmond（右二）搞笑話條前列腺生喺手掌度，隨即被蘇永康（左二）寸話：「嘩！你條前列腺仲開叉！」
張衞健（藍衫）竟然唔肯定有冇生痔瘡？
Edmond（中）平時有練開波，控球對佢嚟講濕濕碎啦！
許志安（右二）表示已做痔瘡檢查，但否認是婚前身體檢查 。
講起好友有暗病，蘇永康忍唔住（左三）笑到臉都紅埋！
估唔到蘇永康咁愛錫身體，自己驗完直腸後仲苦口婆心勤班兄弟去驗。
蘇民峰睇掌就叻，睇前列腺就……（資料圖片）
沒有留言:
發佈留言