來源: 壹週刊 Next Plus
為保護阿媽 張衛健收埋老豆攬女照
單親家庭長大嘅張衛健，曾經都公開講過自己老豆有幾衰，唔單止背住老婆搞小三，健仔好細個仲成為佢嘅出氣袋，經過遭受家庭暴力，最後仲拋妻棄子，好彩呢個經歷無影響對健仔正確嘅人生觀，依家仲有個美滿家庭添！
最近健仔擔任內地節目《我是演說家》導師，期間有位參賽者講及自己細個知道爸爸出軌，然後向阿媽篤爆阿爸偷食，健仔聽到之後都重提童年經歷，佢自爆細個曾經都發現老豆收埋抱住小三嘅相，不過佢就唔敢同阿媽講：「我偷了這些照片放進垃圾袋，藏進我小學的廁所裡。到現在為止，我媽都不知道我藏過我爸爸的其他女人的照片。」
雖然面對同樣遭遇，健仔嘅處理方式同呢位參賽者有唔同嘅做法，佢話覺得人生當中許多事情已然發生，最終都會有必然嘅結局，當時佢唔揭穿只係想對親人一種保護。
沒有留言:
發佈留言