竟然會用他飾演的「程咬金」來作配圖是我始料不及的!
日期: 2016年4月2日
來源: 史檔 FB
程知節呢個名未必人人都知，但講到程咬金就應該人人都聽過，不過唔好誤會，其實程咬金先係原名。同尉遲敬德、秦叔寶一樣，程知節係隋末唐初李世民麾下嘅猛將，曾身係瓦崗軍成員之一，李密就講過：「此八千人可當百萬。」後嚟李密失勢，佢俾王世充捉咗，之後就同秦叔寶、吳黑闥、牛進達等數十人一齊投唐，最終為李家打江山得天下。而響李世民同兄弟爭位期間，佢就同李世民講話太子建成翦除曬啲，所以點都會留響佢身邊，最終就參與左玄武門之變，仲成為凌煙閣二十四功臣之一，排名十九。
後世人去程知節嘅認知，大多數係來自小說，有史友就問阿史半路殺出程咬金係點嚟，其實都係小說虛構出嚟嘅情節。大概係話李氏父子要對付本領高強嘅「飛鈸禪師」蓋世雄，而李世民嘅軍師徐懋功就算到只有程咬金呢位福將先可以擒住蓋世雄。程咬金都知蓋世雄厲害，於是就匿埋響土地廟瞓陣覺先。徐懋功早就知道程咬金會匿埋瞓覺，於是就叫秦叔寶先去同蓋世雄打一場，蓋世雄打輸咗打算匿埋響土地廟，程咬金瞓醒之後發現蓋世雄竟然自投羅網，結果佢就不費吹灰之力捉咗蓋世雄。半路殺出程咬金就係咁嚟喇！
沒有留言:
發佈留言