來源: 蘋果日報
【唔好預我】做契爺要供書教學? 張衛健寧做蘇永康B仔世叔伯
張衛健同梁詠琪（GiGi）有份聲演嘅動畫《星夢動物園》，今日喺圓方舉行首映，出席嘉賓仲有周美欣、安俊豪等，GiGi表示好想帶囡囡Sofia入戲院睇呢部戲，不過擔心囡囡怕黑，喊會影響其他人。
GiGi同健仔為配音動畫出席首映，仲話想帶Sofia睇自己嘅作品。
提到GiGi主演嘅電影《骨妹》入圍「第一屆澳門國際影展暨頒獎典禮」競賽單元，GiGi開心咁講：「好期待導演攞奬。」佢笑指睇番《骨妹》，覺得自己當時好肥未收身。
健仔講起老公阿公，表示唔願意做契爺。
對於老友蘇永康（阿公）宣佈老婆馮翠珊陀5個多月B仔，健仔表示一早已經知道，仲好戥對方開心，會唔會同康B仔上契？健仔一口拒絕：「唔好預我，做世叔伯算，做契爺要供書教學。」 健仔仲透露阿公將為人父，外表都變得溫柔咗，衫又買少咗，咁係唔係慳錢喪買BB衫？健仔話：「我同佢講唔好一日到黑都買咁多名牌，如果唔係大個咗冇名牌都唔掂。」
沒有留言:
發佈留言