【報紙】炎夏拍劇每日都有中暑感覺

日期: 2017年7月12日
來源: 都市日報

無見3個月 張衛健叫老婆回港「勞軍」炎夏拍劇每日都有中暑感覺

張衛健昨日為無綫新劇《大帥哥》拍外景，烈日當空下，穿着長袖軍服上山拍打仗戲分的他汗流浹背，連底褲都濕埋，張衛健指每日拍劇都有中暑的感覺，他笑稱稍後難得有假期會叫老婆張茜返港「勞軍」。

張衛健表示希望在退出演藝圈前，有一部用母語拍的電視劇。

張衛健熱到出晒汗，就算有3位靚女陪住，都冇晒心機！

譚凱琪（左）與蔡思貝指稍後在內地開工，相信天氣炎熱的程度會比香港更甚。

張衛健（Dicky）、蔡思貝與譚凱琪等，昨日於元朗為新劇《大帥哥》拍攝外景，Dicky透露拍完香港的戲分後，將會到內地取景，去內地前會有一星期的假期，問到有咩準備時，Dicky笑稱首要準備就是與分開3個月的老婆見面，他謂 ：「開工咁耐就冇見咁耐，淨係可以傾電話，但都要計時，因為有時開工開好早，我要早瞓，我喺現場又唔會講電話，今朝就叫佢準備返嚟香港『勞軍』！」此外，Dicky指因今次回港拍劇拍足半年，為此推了3個真人騷、一套劇集及兩套電影，損失慘重，但他仍說：「覺得為香港人所做嘅係值得！」