【報紙】張衞健放假嗌老婆返港勞軍

* 編按:
烈日下站一會兒都不停出汗，何況穿著軍裝戲服! 相關影片可以按這裡觀看。

日期: 2017年7月11日
來源: 東方日報

3個月冇見! 張衞健放假嗌老婆返港勞軍

張衞健以一身帥將打扮於元朗拍攝無綫劇集《大帥哥》的打仗戲分，滿頭大汗的他謂日日拍劇都有中暑的感覺，會頭痛、想嘔及頭暈，不過幸好未有生病，並笑謂劇集「拍極都未拍完」，他說：「已經拍咗三個幾月。（你係咪要求高，所以多NG？）都唔係，加上一日開一組戲，所以長啲時間。當初係預拍半年，應承拍嗰陣就覺得半年好快過！」

張衞健話只要可以為觀眾帶嚟歡樂，就算辛苦少少都值得！

期待呀！

張衞健笑言熱到連底褲都濕埋。

與老婆分離靠傾電話

張衞健透露劇集將會到內地取景，並留在當地一個半月，更笑指拍完香港的戲分後，劇組需要一星期準備在內地拍攝的器材與道具，所以他有一星期時間休息，又表示會叫太太張茜回港「勞軍」！他說：「拍劇之前就叫咗老婆撤退，我要專心準備。（幾耐冇見？）開工咁耐就冇見咁耐，淨係可以傾電話，問吓我點咁，連講電話都要計時。因為有時開工開好早，我喺現場又唔會講電話，就係今朝叫佢準備返嚟勞軍！」

陰公豬！

等老婆張茜嚟香港勞軍啦！

張茜（資料圖片）

熱到連底褲都濕

張衞健又指今次拍劇開創先河，是入行以來首次拍劇拍足半年，就連當年拍《西遊記》也只拍攝了五個月，他笑指自己「唔拍唔知身體好」，不過今次拍完劇集後，他認為日後要夏天拍劇就可免則免，他說：「十幾分鐘就濕晒，連底褲都濕！服裝部好好，準備多幾件恤衫畀我，但換得幾多件，一陣就濕晒！」

為新劇損失大

談到其他演員指他指明要一日拍一組戲令他們受惠，他說：「起碼有得瞓，唔好話受惠於我，係我對佢哋唔住，要hold期hold半年，少咗搵真銀機會！」更直言將來開戲會報答他們，找合適的角色給他們。他又笑指自己心理變態，為此劇推走三個真人騷、一套劇集及兩套電影。被問損失多少？他說：「自己計啦。（近八位數字？）唉，你哋自己計啦！講錢就冇感情！」

望為其他人帶歡樂

談到返無綫拍劇，他表示開鏡前在醫院做身體檢查，突然靈機一觸覺得若病人在病房中看到他的演出會快樂，他就會認為自己所做的一切值得，他說：「好耐冇返嚟（無綫）拍劇，亦好耐冇拍自己語言嘅劇，覺得為香港人所做嘅係值得！」

譚凱琪（Zoie）與蔡思貝一身軍人打扮於元朗拍攝無綫劇集《大帥哥》的外景戲份，她們指二人是以「姨太太」的身份到來，並拯救其他人！

問到Zoie和思貝於大熱天時拍外景可會感到辛苦？Zoie呻：「都熱，但都唔夠內地熱，之後會上佛山拍45日，聽聞嗰度40度！」思貝則謂會準備消暑水，避免中暑！

而問及二人有否上過內地拍外景？她們均表示沒有，Zoie說：「聽人講會買埋洗衣機、枕頭咁！」而思貝則表示：「劇集開拍咗三個幾月，劇組已經日對夜對，之後一齊上內地拍戲，相信會有更多經歷。而且內地嘅戲份以群戲同大場口較多，應該好難忘！」她亦指自己正發燒，但為了盡快完成香港的外景場口，故未有休息！

至於談到開工時間，二人笑指受惠於張衞健，因張衞健控制開工時間，限每日只開一組戲，每天拍攝12小時，而且更沒有試過外景接廠景，令她們有時間休息！