【報紙】洪永城見識到張衞健感染力

日期: 2017年8月7日
來源: 東方日報

洪永城瘀爆搞錯張衞健粉絲

張衞健（Dicky）、洪永城（Tony）、曹永廉、蔡思貝與徐榮等已赴佛山西樵山國藝影城，為劇集《大帥哥》拍攝外景。

張衞健全副武裝上陣。

張衞健幾時都咁有戲！

掂晒啦！

邊有得輸呀！

一眾演員以劇中造型全副武裝出席開鏡儀式，除了準備大燒豬進行拜神外，現場更列起一整隊軍隊，由「大帥哥」Dicky指揮下響起第一炮，相當霸氣。

張衞健同洪永城去咗西樵山國藝影城拍外景。

張衞健指揮響頭炮，好有霸氣。

齊齊切燒豬！

畀個禮先！

劇中飾演Dicky部下的Tony笑言見識到對方的感染力：「我喺片場着住套軍服都覺得自己好靚仔，見到有班𡃁妹衝埋嚟，以為自己喺佛山都有少少知名度，咪同佢哋打招呼，點知望一望後面原來係嚟搵大帥哥（Dicky），真係前所未有咁瘀皮！估唔到大帥哥嘅感染力係影響埋90後同新世代！」

張衞健「大帥哥」排場。

張衞健好受歡迎呀！

張衞健企喺軍車上面。

Tony又指整個團隊甚有凝聚力：「第一個星期拍攝順暢，成個團隊精神好好，我都算出過好多次Trip，但同一班志同道合嘅拍檔係好緊要，今次係最好腳嘅一次！每晚收工好攰但好開心，大家會飲吓酒、傾吓偈。」