【報紙】陳法蓉晒《小寶與康熙》舊照

日期: 2017年8月12日
來源: 東方日報

陳法蓉晒《小寶與康熙》舊照　索老婆晒冷

現年50歲嘅前港姐陳法蓉近年注重作息，已減少幕前嘅產量以享受生活。呢日佢突然喺微博晒出2001年嘅古裝劇《小寶與康熙》舊照，並留言：「舊日的足迹。」

係回憶呀！

小寶與龍兒

大合照

你認到幾多個？P.S.吳浣儀（下排右）飾演「小寶」嘅阿媽。

照片中，當年嘅演員張衞健、朱茵、陳法蓉、吳辰君、張茜等齊齊入鏡，大家樣貌青澀，面上仲帶有幾分稚氣，簡直係男嘅型，女嘅索！

張衞健左擁右抱認真爽。

左起：張茜、吳辰君、陳法蓉、麥家琪

林心如飾演張衞健其中一個老婆「建寧公主」。（資料圖片）

仲有舒淇飾演嘅「小金魚」。（資料圖片）

呢幾張相一曝光，即引來網友無限回憶，唔少人都話好羨慕張衞健可以畀一班靚靚「老婆」圍，佢哋紛紛留言：「好喜歡這部劇」、「」「真的好喜歡這部電視啊，好喜歡你扮演的龍兒」、「怎麼沒有林心如和舒淇呢」，仲有網友唸出「小寶」張衞健嘅名詩：「涼風有信，秋月無邊，虧我思嬌嘅情緒好比度日如年，雖則我唔係玉樹臨風、瀟灑倜儻，但我有廣闊嘅胸襟加強勁嘅臂彎！」真係見字有聲呀！