來源: 東方日報
女友唔想買手袋等半年 張衞健被嫌窮遭拋棄
張衞健（Dicky）之前返回無綫拍《大帥哥》大受歡迎，最近他就去到學校，向年青人分享人生遇過的挫折。現年54歲的他經歷過大起大跌，其中提到在事業低谷時，女友都離他而去。他一開始就笑言：「喺愛情方面，好多時候我都係扮演被分手嘅角色，你唔信呢！靚仔如我，只能夠講佢哋唔識貨，講笑啫！雖然我係演過韋小寶，但其實私底下現實嘅我，喺愛情方面，好多時候都係扮演被分手嘅角色。」
身在痛，心更痛…
其中一個仲係圈中人，張衞健坦言事業低谷時完全冇伴侶支持。
張衞健去到學校分享人生遇過嘅挫折。
希望畀啲正能量年青人！
他自爆當年拍劇跌斷手，要入院做全身麻醉手術，之後醒番，但當時的圈外女友劈頭第一句竟要與他分手，原因是不想將來嫁給他後，買個名牌手袋都要等半年。他又提到曾有另一個女友嫌棄他冇錢而分手：「佢話我連自己同屋企都未養得起，如果同我結婚，我點樣養我哋嘅家庭？」他坦言事業低谷時完全沒有伴侶支持，而Dicky當年是因為在泰國拍劇而受傷。
佢話宣萱唔係當事人！
同江欣燕都好支持佢！
現實中佢唔係韋小寶，好多時都係被分手嘅角色！
佢慶幸依家另一半張茜唔係咁物質嘅人。
讚江欣燕宣萱
東網致電Dicky時，講到當時圈外女友在他手術後分手，他坦言：「當時真係非常愕然，佢咁樣同我講，我做完手術個傷口痛，但都唔及個心咁痛。（當時有冇諗過自殺？）冇，反而下定決心，第日搵個女朋友唔可以咁注重物質，慶幸依家另一半（張茜）唔係咁物質嘅人。」而提到另一個圈內女友也叫分手，問到可是江欣燕或宣萱？他表示：「唔係佢兩位，呢兩位喺我冇乜信心時都畀支持我。（咁係邊個圈中女友？）唔講，時間已過去，我做分享係希望畀正能量年青人，特別近日又有兩個學生自殺，想將過去嘅經歷，同佢哋講面對挫折都唔好咁易放棄，要將憤怒、悲傷嘅感受放慢，咁樣先可以過到難關。」
沒有留言:
發佈留言