來源: 東方日報
躁父虐打中成長！張衞健諗過幾時死
現年54歲的藝人張衞健經歷過大起大跌，最近他到學校向年輕人分享人生遇過的挫折，提到當年在TVB經歷過痛苦。當時他人工低，冇錢開飯，到公司餐廳食飯都冇錢結帳，惟有扮忘記帶銀包，但餐廳老闆很好人，次次都放過他。如是者三、四次之後，老闆勸他別再演戲，因為知道他連開飯錢都沒有，但睇得出他有前途，並相信他將來會還錢。張衞健表示努力了8年後終於做到男主角，然後把錢還給老闆，直到多年後返回TVB想探老闆，驚覺對方已過身，所以提醒大家愛要及時。他亦謂相信人生仍會有大打擊，但柳暗花明又一村，故奉勸大家：「遇到任何事嘅時候，我哋反應可以慢少少，唔使太快憤怒、悲傷、絕望、放棄。」
原來張衞健童年好慘…
佢自細就經常被爸爸虐打。
7、8歲已經過自己幾時會被打死！
張衞健仲試過因為人工低搞到冇錢開飯。
張衞健透露自己遇上好好人嘅餐廳老闆。
可惜後來返回TVB想探老闆時，發覺對方已經過身。
張衞健提醒大家愛要及時。
被打幾乎窒息
他又提到人生第一個挫折是童年時在躁狂爸爸的虐打中成長，做船員的爸爸一年只有3個月時間在港，但他一回港，全家都會被他打。他記得有次騎爸爸膊馬行街，當時自己向一架好靚的車吹口哨，但回到家就被爸爸暴打：「佢二話不說將我凌空拋落床，撳住我嚟打，撳到我抖唔到氣，幾乎窒息！佢都會將細佬打到皮開肉綻，我記得當年7、8歲時諗，幾時會畀佢打死呢？」幸好最後他用倒數心情渡過難關：「佢每年都只係返嚟3個月，依家已經過咗兩個月，剩番一個月，同埋佢唔係日日發作，唔係鑊鑊都係我中招，於是當爸爸返嚟時，我每過一日就會開心啲。」他透露14歲時父母離婚，坦言當時開心多過唔開心。
沒有留言:
發佈留言