【雜誌】劈酒劈足8小時

日期: 2003年10月1日
來源: 壹本便利，第610期

張衛健劈酒劈足8小時

上星期三（ 9 月24 日） 系蘇永康生日， 一大班朋友同佢慶祝， 他們由十點幾玩到凌晨兩點幾， 初時以為佢散band 之後就無下文， 點知娛妹妹之後又在跑馬地撞到康仔老死張衛健同蔡一智。

當時凌晨差唔多三點， 健仔駕住佢架法拉利載住蔡一智在跑馬地油站入油， 娛妹妹本來想同他們打聲招呼， 健仔好急咁話： 「等等。 」 然後抓住廁所鎖匙急步行入去「 解決」 ， 跟住又到蔡一智接力上茅廁， 鬼咩， 他們在蘇永康的生日會度玩成四粒鐘， 飲到個肚脹晒啦！

張衛健去完蘇永康的生日party ， 飲到個肚脹曬， 所以忍唔住要問油站的廁所鎖匙。

等等！ 當記者叫住張衛健時， 健仔話： 「 等等啦！ 」 睇佢好急下！

健仔去完洗手間， 又到蔡一智， 估唔到去廁所都有得接力。

健仔同蔡一智「 搞掂」 之後， 就去到阿梅經理人王敏慧開「 紅酒館」 再劈過， 重約埋阿梅另一個男助手飲酒添。

娛妹妹以為阿梅都會到， 但後尾收到風， 話梅姐患癌之後，都好錫身，已經唔再四圍蒲，除了工作，就多是留在屋企休息。

娛妹妹收到路邊社消息話， 蔡一智同阿梅兩個助手今次約健仔， 其實想同一向多計的健仔傾下阿梅的演唱會有乜好搞，順道聚下舊。一飲又飲到凌晨五點， 前後足足劈足8 個鐘。