【報紙】健仔唔信遊行遭封殺

日期: 2003年10月31日
來源: 太陽報

傳參加七．一遊行被列入黑名單   蕭若元發聲明與《功夫足球》冇轇轕

有傳吳君如和監製蕭若元，因參加七．一大遊行，被內地列入黑名單外，連帶電視劇《功夫足球》亦遭封殺。寰宇老闆娘林太否認遭封殺，而蕭若元更發聲明，稱與《功》冇任何轇轕。

電視劇《功夫足球》早前已完成拍攝工作，並開始後期和審批的工作。不過近日有傳戲中的主角吳君如、杜汶澤和監製蕭若元，因在今年曾參加七．一大遊行，而被列入黑名單，有關方面更頒下指令不可購買版權，實行封殺《功》片。

對於此事，有份投資該片的寰宇老闆娘林太，表示有聽過此江湖傳聞，但她否認被封殺，林太說：「所有片都要經中央審批，第一次審批後，要等剪完片先再審批，但依家套片都未剪完，中央又點會話唔批呢？」至於有否擔心真有其事時，她再說：「初初聽完之後真係心慌慌架！但我依家只係當江湖傳聞咁聽。」

林太又表示早前曾參加訪京團，感覺現時的官員思想開放，接受能力高，應不會隨便有封殺的情況出現。至於林太會否刪減君如和杜汶澤的戲份，她說：「唔會，唔會無端端剪。我已經打咗畀君如了解過件事，佢都話只係傳聞，君如話自己絕對冇倒董同反政府既意思，佢只係宣洩個人情緒啫！」

健仔唔信遊行遭封殺

林太亦曾致電現今是「民主倒董力量」召集人的蕭若元，據知蕭若元三個月前因某種因素辭退所有《功》劇工作，昨天更發表聲明，稱已與該劇再冇關係。記者曾致電蕭若元求證，但他透過秘書回覆不再發表任何意見。

而《功》劇男主角張衛健（Dicky），昨晚出席香港大學的公開講座時，問他封殺一事，Dicky說：「唔清楚有件咁既事，但我唔相信內地開放之後，會有演員參加遊行而被封殺，我只會做好自己本分。」

此外，吳君如與杜汶澤前晚主持商台節目時，對於成龍早前鬧兒子陳祖明行路姿勢似猩猩，他們齊撐陳祖明行路姿態完全沒有問題，君如更指成龍的言論過分偏激。