來源: 蘋果日報
張茜鼓勵戒物慾 健仔：買林寶堅尼好折墮
張衞健離開無線到內地拍電視劇，發展多年事業順遂，最近他與驕陽電影簽下賣身契，頭炮是即將上映的電影《奪標》。健仔說今次回流返港拍電影並非為錢，而是為了圓電影夢，他更謂感激太太張茜鼓勵他看輕名利尋找理想。
張衞健自言回流香港拍電影，不是為錢，而是為了圓電影夢。
張衞健自認愛錢，曾經為錢放棄很多理想，他說：「其實《霸王別姬》有搵我做，你知我扮花旦好靚嘛！但呢樣係你條命，陳凱歌叫我去試鏡，我試都冇試，當年會諗傻啦！我公司唔夠條件，9個月拍部戲，其他劇咪冇得拍？連包都冇得食仲諗理想，冇飯開既日子太多年，驚架嘛！我唔食，屋企人都要食。」
健仔大讚愛妻張茜是不可多得的好女仔，從沒逼他買 Chanel手袋。
「開口埋口都講錢」
就是健仔的金錢掛帥精神，令他發覺張茜是一個不可多得的好女仔，健仔說：「開頭拍拖時，張茜連廣東話都未識講，佢問我做乜開口埋口都講錢，咁係因為你未試過拎部電視機去當，未雨綢繆，好天要斬埋落雨柴，佢叫我唔好只為錢，應該為下理想，佢冇逼我搵錢買個 Chanel手袋畀佢，個時我就覺得佢真係一個好女仔。」
自覺電視劇已有代表作的健仔，最希望能自編自導自演一部屬於他的電影。
健仔說他回流在港拍電影並非為錢，只是回想九十年代拍得太多爛片，電視算是拍過代表作，但電影未算有，而且更大心願是自編自導自演一部屬於自己的電影。
健仔說正戒除愛搵錢性格，但發覺人的貪念無止境，他說：「3、4年前好想買部林寶堅尼，許志安同我講人一世物一世，有能力就盡情去享受，極力慫恿我去買，但我覺得好折墮，我唔需要去買架林寶堅尼話畀人聽我幾咁有型、事業有成，我真係越黎越實際。」
健仔前晚接受《娛樂開 chat》主持人懷鈺（右）訪問時，直認有計劃再生育。
計劃再生育
此外，張衞健前晚亮相《蘋果》網站直播節目《娛樂開 CHAT》宣傳新片《奪標》。明年初他將與太太張茜擺喜酒，張茜早前曾不幸小產，問到他有否準備再生小孩？他說：「梗係有諗啦，我話你知，我呢叫做血氣方剛，有好多都唔住，但係就順其自然。」他又謂怕有報應，因自己小時候很頑皮，故怕將來的兒女會激死他。
採訪：魯萍、懷鈺
攝影：陳俊強、陳慧安
化妝： Marsha Ma of A&V 場地： MEGU
沒有留言:
發佈留言