來源: Yahoo Blog
作者: 傻甘
日期: 2008年11月24日
前陣子睇o左奪標...... 一切只因由張衛健主演........
睇完套戲之後........ 有一肚子o既話要講呀~~~~
張衛健係一個我由細睇到大o既演員.......... 細細個已經好中意佢........
第一套令我對佢有印象o既電視就係老友鬼鬼......
o個陣佢個樣超young....... 好鬼可愛~~ 又夠生鬼喎......... 好得意~~
扮女人仲好鬼靚添~~ 我記得佢有次試過古裝扮女仔.......
嘩~~ 幾嬌俏呀~~~ 靚到"dum"一聲呀~~ 靚過好多靚女啦~~~
第二套有印像o既就係我愛牙刷蘇喇....... 佢棚"爆"牙好盞鬼~~
佢o既演釋亦好出色...... 當年我好中意睇o架~~~~
佢最為人記得o既一套電視劇....... 一定係無綫o既西遊記啦......
嘩~~~ 當年我知道佢做孫悟空不知幾開心....... 因為佢已經nnnnn年無幫無綫拍劇o架喇.......
仲有就係.......
當年佢播出第一集o個日......... 係我生日呢~~~ 哈哈哈~~ 寧舍開心~~~
佢呢個美猴王o既造形真係好美....... 美不只在於形...... 亦在於神........
我個人認為佢真係做到孫悟空o個種野性.......
而且佢勝在唔高....... 夠曬靈活....... 好適合做孫悟空呀~~
佢o個句"yo~~ 取西經之嘛...... 駛乜驚呀~~~" 都曾經一度成為熱話o架......
亦係自從西遊記之後...... 幾乎佢每套電視劇都要加一句口頭襌........
當年佢仲唱埋主題曲&插曲....... 我都不知幾中意聽.......
佢o個幾首歌曾經伴我渡過痛苦的會考生活o架.......
後來o既西遊記II..... 孫悟空一角換上陳浩文........ oh my god~~~
完全唔係o個回事....... 一o的都唔好睇!!! 同張衛健呢個相差o左十萬八千里有多啦~~~~~
再下一套就係小寶與康熙喇....... 嘩~~~ 呢套又係超好睇~~~ 集集追......
口頭襌就換上"涼風有信, 秋月無邊, 虧我思嬌o既情緒好比渡日如年,
雖則我唔係玉樹臨風, 潚灑倜儻, 但我有廣闊既胸襟加強勁既臂彎~~"...... 正正!!
佢又係好適合演韋小寶呢一類無賴o既角式....... 無賴得來可愛...... 可愛得來又能幹.......
適合演韋小寶當然係優勢之一....... 但佢o既演出都同樣好好.......
尤其是同建寧公主o個條線....... 結局建寧要死o個道真係睇得我呢~~~~
o的感情劇交得好好....... 好正呀!!
對比返o岩o岩o既奪標........ 女主角都係要死....... o個場劇佢就做得唔好啦.......
完全無feel...... 過曬火位......... 仲搞到我幾乎想笑添~~~~!!
再來係齊天大勝孫悟空...... 好明顯佢想食返無綫西遊記o個條水.......
其實佢呢套西遊記係好奇怪的..... 不過勝在粒粒皆星.......
同埋我對無綫西遊記o既情意結........
同阿sa o個條線雖然係100%偏離曬原著........ 但偏得o黎都ok好睇.......
好在當日佢唔係揀阿嬌同佢做對手戲o者!! 唔係就該煨該煨了~~~
我睇佢o既電視劇到呢道.......
已經開始覺得佢需要尋求一條新o既出路...... 唔可以再食老本了.........
然後到少年英雄方世玉....... 一貫張衛健式電視劇......... 有恬妞做佢阿媽.......
擦出o的火花...... 都好好睇........ 但劇情已經忘記曬了........
然後到機靈小子....... 呢套我係記得佢做過個老師o既角式.......
劇名完全唔記得o左....... 要上網搵返...... 搵到o個陣都仲好質疑呢個係咪香港版劇名.......
呢個都係一貫張衛健式演釋........
但由於離上一套劇已經有一段時間...... 所以我依然受落........
到近期o的o既就有功夫足球....... 演員陣容都唔弱o架..... 有吳君如&黃秋生......
之不過..... 由呢套劇開始...... 我已經無以前咁大興趣去追了.......
一o黎因為題材好明顯係抄少林足球...... 二o黎.......
已經開始對佢已經公式化o既演釋有o的膩了........
跟住o既伙頭智多星就更加唔好講...... 一來播出時段唔match.....
二o黎運用o左大量out到爆o既"動畫"........ 三o黎題材一般兼劇情唔吸引.......
所以我真係無留意睇了...... 變成得閒就望兩眼o個隻......
最後就到之前睇o既奪標了........ 未入場前一心諗住佢走去拍電影........
應該演技上會有突破啦....... 而事實話我知佢雖然比起以前已經收歛o左........
但都係依然故我....... 擺脫唔到已經公式化o既張衛健式演釋......
由西遊記到奪標....... 前後十年有多....... 十年都仲係原地踏步.......??!! 太那個了吧!!
張衛健........ 係時候要變喇!!!
早在齊天大勝孫悟空之後就應該要變喇!! 老本不能夠食一世的!!
我唔知自己有冇feel錯...... 硬是覺得佢o向奪標入面係想做到某程度上的轉變.......
但又唔夠放膽....... 顯得有o的力不從心.......
呢個係我將個人期望投射到佢o既演出o既錯覺........ 定係事實呢...... 搞不清!!
總而言之...... 我真係好希望........
有朝一日可以再o向佢身上搵到當日西遊記o個種驚喜&期望o既感覺..........
亦希望佢可以再做到小寶與康熙o既揮灑自如........
除o左電視劇之外....... 我都有留意佢唱歌....... 話曬佢都係新秀出身的嘛~~~
把聲好ok o架...... 第幾屆就唔記得了.......
講到佢唱歌又點能夠不提足球小將呢?!~
哈~ 我都唔知點解會中意真真假假呢首歌....... 總之就係中意啦~~ 又係情意結掛~~
哎o也哎o也親親你...... 主題曲..... 點會唔like呢?!~
西遊記.... 都係主題曲....... 其實西遊記入面所有佢唱o既歌我都中意~ 尤其係法術烏魔多~
你愛我像誰...... 嘩~~ 呢首總對係至愛張衛健主題曲啦......... 好正呀!!
至情至聖..... 又係主題曲時間.......
身體健康...... 呢首唔係主題曲了........ 好好聽~ mv都幾感人啊.......
加多首到底甚麼時候才會想起我啦~~
其實佢唱歌真係幾好聽....... 聽得我好舒服.......
不過唔知點解硬係唱歌紅唔起...... 可能係觀眾緣好過聽眾緣掛........
我睇奪標因為佢主演........
我睇史力加都係因為佢配音....... 佢配驢友真係好抵死....... 襯到絕呀~~~~
我買曬史力加1, 2 & 3 o既vcd都係咁o既原因咋~~~
不過咁..... 史力加又真係幾鬼好睇o既~~
加油吧張衛健!!
* 編按:
嗯~ 如果說突破，我覺得《阿有正傳》算是表表者，
我挺喜歡這個不一樣的張衛健的~ 可惜不及其他電視劇般有那麼多人留意....
不知道他自己對《阿有正傳》有甚麼評價呢?
沒有留言:
發佈留言