【報紙】Big Four爆爛 Gag

* 編按:
說實話，「正能樣」並不是甚麼新鮮詞語，很多人也會說呀。

日期: 2010年3月13日
來源: 蘋果日報

臨陣換監製　 Sammi搭救　Big Four爆爛 Gag　怕講錢國偉

許志安、梁漢文、蘇永康和張 衞健組成的 Big Four前晚在紅館開騷，原先演唱會由涉貪污被捕的錢國偉任監製，但因他出事而由他人代替。 Big Four為免被追問錢國偉一事，四子完騷後並未有接受訪問。

許志安、張 衞健、蘇永康和梁漢文（ Edmond）的「 Big Four世界巡迴演唱會」前晚在紅館演出首場，演唱會原先由錢國偉任監製，但他因涉貪污被拘查而缺席，臨時由陳家倫頂上，雖然換了監製，但未有影響演出。可能 Big Four怕被追問錢國偉一事，完騷後他們沒有接受訪問。

Big Four站在鐵架又唱又跳，令鐵架不停搖晃，狀甚驚險，但完騷後他們並沒接受訪問，似乎怕提及錢國偉。

Sammi要求送樓

演唱會中健仔主力棟篤笑，數盡拍檔瘀事，其間播出四人泰國度橋之旅的相片，當中康仔倚偎在安仔膊頭，健仔笑說：「如果俾記者影到，到時唔係上壹仔封面，係上雄風封面。」健仔又明抄林海峰棟篤騷的台詞說：「我啲歌同個樣都咁開心，只有我發放正能量，因我有個正能樣。」

四子也有獨自表演， Edmond凌空自彈自唱，安仔穿上白西裝，露出閃底褲扮米高積遜表演。現場播出健仔偷拍康仔冲凉片段，慘令康仔豬腩肉盡現人前。片段中健仔開會時對着 Edmond放屁，三人齊聲數健仔：「賤格人渣，冇任何語言形容佢，只有粗口。」有傳與四子不和的吳國敬做嘉賓獻唱《我說過要你快樂》，但慘被四子取笑衣着娘爆。

Sammi安哥時出現，她大方與安仔同台又唱又跳。

安仔（左一）在 Sammi面前唱到跪地。

壓軸的鄭秀文（ Sammi）Encore 時出場，與四子合唱《信者得愛》，前男友安仔更唱得肉緊跪在 Sammi面前。唱畢健仔笑說：「我哋唔知送乜畀你，你乜都有。」 Sammi說：「我要層樓。」健仔即叫安仔送， Sammi笑說：「我要 Edmond送。」四子又把《叮噹》改歌詞為《有心》送給 Sammi。

採訪：王連連　攝影：仇志德