【報紙】草蜢踩場 七妖露肉鬥拮

* 編按:
相關影片可以按這裡觀看。

日期: 2010年3月16日
來源: 蘋果日報

草蜢踩Big Four場 七妖露肉鬥拮

草蜢前晚在紅館擔任 BIG FOUR演唱會表演嘉賓，七個老頑童在台上鬥跳舞， BIG FOUR四子更以尖角歌衫拮草蜢。蔡一傑自認鬥姣輸給蘇永康，張衞健笑言鬥瘦梁漢文一定贏。許志安跳到熱辣辣時，更拉低歌衫的拉鏈露出肌肉，惹來歌迷狂叫。

許志安、梁漢文、張衞健及蘇永康合組 BIG FOUR，在紅館舉行五場演唱會，前晚演出第四場，請來好友草蜢任嘉賓，其實草蜢三子在第三場已上台助興，七人因參加新秀歌唱比賽成為相識廿多年的老友，在台上玩到失控，安仔更不慎撞傷腳。

姣康着花底褲

BIG FOUR四子也十分認真，預先練習草蜢的《忘情森巴舞》及《愛不怕》兩首歌的舞步，與草蜢鬥舞，張衞健笑言：「我哋組 BIG FOUR係為咗打草蜢，草蜢今晚一定輸，因為你哋識跳嘅，我哋都識，我哋跳嗰啲你哋就唔識，我哋四個可以打麻將，你哋三個就唔得啦。你哋最妖係蔡一傑，我哋都有蘇永康同你哋死過；蔡一智最瘦，玩『鬥瘦棋』梁漢文都一定贏你；蘇志威有個老婆劉小慧，梁漢文都有老婆林文慧，慧打慧！」蔡一傑沒好氣笑說：「鬥姣鬥妖真係唔及蘇永康，佢由細到大都叫姣康。佢連底褲都有花 o架，瞓覺指定着間條。」
七人跳到熱辣辣，安仔還即席拉下外衣拉鏈，露出一身肌肉，惹得歌迷狂叫，他們表演直到完場，紅館開燈，歌迷還不願離去，結果他們要兩度安哥，跳完又跳，安仔開心得笑倒地上，順便休息唞氣，老友們以為他腳痛，蘇志威發現被耍後即作狀要踩安仔，而穿滿身釘歌衫的 BIG FOUR便還擊要擁抱草蜢，蔡一傑大叫：「咪過嚟拮我，好痛呀，唔攬呀。」十分搞笑。

穿尖角舞衣的 BIG FOUR狂攬草蜢，三子大叫唔好。

傑仔被抓出血

不過後來蔡一傑與觀眾握手時還是受傷，被歌迷指甲劃到手臂現血痕，但他也笑言沒所謂，傑仔說：「我哋七個識咗成二十年，以前成日一齊出埠登台，張衞健我同佢廿年前一別，到依家先喺舞台上重遇，再見佢真係感動落淚呀。」