來源: 蘋果日報
「做騷冇時間打畀佢」 BIG FOUR尾場不認錢國偉
許志安、蘇永康、梁漢文及張 衞健組成的 BIG FOUR，前晚在紅館舉行尾場演唱會後，澄清演唱會監製一直都是陳家倫，捲入貪污案的無綫監製錢國偉只是友情客串幫手度橋。四子又指因沒時間故未有跟錢國偉聯絡，但會祝福他，至於陳家倫及捧場的無綫高層樂易玲均拒絕回應事件。
許志安、蘇永康、梁漢文及張 衞健前晚在紅館舉行 BIG FOUR尾場演唱會，事前爆出演唱會因監製錢國偉被廉署拘查，要由另一監製陳家倫頂上，康仔前晚說：「一路係陳家倫，海報都係佢名。」安仔則說：「其實我哋四個都同錢國偉識咗好耐，佢係義務幫我哋度橋，我哋太熟喇。」
BIG FOUR前晚舉行尾場演出，四子首度開腔回應指錢國偉並非他們的演唱會監製。
提到錢國偉近日捲入貪污案，安仔說：「我哋梗係想向佢問好，我哋會祝福佢。」梁漢文謂：「作為朋友係擔心佢嘅，我哋每日做騷冇時間打畀佢。」康仔續說：「唔好打擾佢啦，畀佢休息下。」健仔則說：「佢係相當有才華、永遠笑容掛喺面嘅導演同監製，希望佢可以順利過渡，乜嘢事都冇，作為朋友衷心祝福佢，其他嘢唔方便講太多。」陳家倫在慶功宴上則迴避談及錢國偉，只說：「唔講呀。」前晚現身撐場的無綫高層樂易玲，也拒絕回應事件。
張衞健前晚在台上重演早年參加新秀時表演的側手翻及蜈蚣彈，跳到飛甩假髮，之後開心大叫：「第五場終於彈得起呀！阿媽我得咗，老婆我有心有力。」引得全場歡呼。
張衞健前晚在台上甩假髮後，只隨意把假髮搭在頭頂。
香港難加場
BIG FOUR稍後會作巡迴演出，之前有報道指安仔不肯在香港再加場，以免影響他年底的個人演唱會票房，他前晚在慶功宴上不作回應，健仔即答道：「後面陳奕迅真係冇得讓，我哋最後一場都係佢讓出嚟先加到，唔關安仔事。」談到家眷是否每晚捧場，康仔說：「我阿媽係，女友就第三晚先喺巴黎返嚟。」健仔謂：「我老婆有一晚冇嚟。」梁漢文的妻子則晚晚現身，安仔不願談女友 Michelle，只說：「我鍾意嘅人都嚟咗。」
沒有留言:
發佈留言