【報紙】疑似酒店代表到醫院探望

日期: 2013年6月8日
來源: 蘋果日報

疑似酒店代表到醫院探望張衞健媽咪

張衞健嘅75歲母親余嘉碧，噚日下晝喺尖沙嘴香港洲際酒店酒店泳池游水時，突然遇溺陷入昏迷，送院經搶救後性命垂危。張衞健胞弟張衞彝（Henry）同好友許志安，聞訊即到伊利沙伯醫院了解；至於張衞健同老婆張茜噚日深夜已從內地趕返，到醫院探母親。

張衞健及老婆張茜噚晚漏夜趕返香港探望母親。

兩名疑似酒店代表嘅男子，今午到醫院探望張衞健媽咪。

今日大批傳媒喺醫院等候，中午12時許，有兩名疑是酒店代表嘅男子，手持鮮花及一張寫上姓「張」嘅慰問咭，到達醫院深切治療部，有護士引領兩男子入病房，佢哋逗留十分鐘左右就離開，問佢哋係咪代表酒店送上慰問？係咪傾賠償？兩男都冇回答，只係臨入升降機前講咗句：「唔該晒，拜拜﹗」之後便離去。