【記錄】「逾越知音」福傳之旅: 停車場 (中)

日期: 2013年12月30日 (星期一) 

地點: 灣仔伊利沙伯體育館

其間他簽名時在旁的我們不斷影他，又有一些走到他旁邊跟低頭簽名的他自拍，
H便說:「你地等佢簽完先影啦! 咁樣影完都唔靚唔好睇啦! 」
他:「拿! 你地聽下D前輩講啦!」
眾人:「都係因為你成日都好快就走囉!」
Ｈ:「係呀! 佢好快走架! 一陣佢一影完就上車架喇!」
他笑著說:「果然係前輩呀下!」然後繼續簽簽簽繼續影影影。
F:「影完未呀? 可唔可以俾我影先? 我成10年冇影喇!」
他聽罷又笑著說:「使唔使番美孚影呀?」說完又低頭繼續簽。

當W把要簽的東西遞給他時，他問：「簽咩名?」
W聽罷扁嘴，他竟然還問:「木字邊?」見那麼多次簽那麼多次也沒記牢，真是的....
隔了一會問:「我上次係咪撞到你?」（詳情請看這篇）
眾人:「係呀!」
接著W把復刻版的《親親你精選》拿出來要他簽，
因為這碟的封套製作太不認真，大家早揶揄這是一張翻版碟，
所以當W拿這碟出來時，大家立即說:「嘩! 翻版碟呀! 快D簽依隻翻版碟~」
他定睛望一望:「依隻.... 依隻唔係翻版.... 好似都係華納出架嘛....」
想必他都不知道有這一張唱片，大家便解說:「復刻版呀依隻!」
W要他簽中文版，他又立刻說:「我係XX人黎架!」
這個「XX人」，大家聽了兩次也忘記了啦~
期間我說:「不如陣間我地影番張大合照呀?」
他:「好呀!」
Ｃ:「梗係好啦!佢唔使影咁多嘛!」因為可以快點離去嘛! 哼哼哼~
終於到我簽名了，遞給他，他問:「你叫咩名?」
簽完後M把電話遞給他，是Lu唱的《疼愛》，Lu託M轉播給他聽。
他問:「咩黎架?」
Ｍ:「Lu呀!」
見他會滿頭問號我便馬上補充:「成日去探你班那個呀!」
這麼一說他便恍然大悟:「哦!」
側耳細聽後說:「好野喎勁喎! 我都唔記得歌詞佢記得!」
也許因為「罰簽名」罰得太多，再簽了幾個後便說:「好喇.... 唔簽喇! 影相喇!」

此時HH便走近想要影相並說: 「Dicky, 今日我生日~」
早有準備的我們當然立刻把蛋糕拿出來啦!
把裝著蛋糕的盒子拿給他，他接過後說:「不如我拎出黎吖?」
眾人:「好~」他:「幫我開吖~」
打開後見有兩件蛋糕:「咦? 咁不如我唔好拎出黎，就咁影?」
影相期間他跟HH說:「生日快樂! 身體健康!」
我:「不如唱幾句啦~」
他:「唉! 又唱? 唔唱!」
我:「都係唱俾生日日那個聽即!」
Ｗ:「頭先得半首咋!」
基本上也預了他不唱所以只是隨便說說，加上他正拿著蛋糕跟HH在自拍又怎麼會唱!
可是話音剛落，他便邊望著鏡頭邊輕聲唱出:「我只想~ 身體健康~」
嘩! 還要是個奇怪版本耶! 是刻意在合照時搞搞震的吧~

S跟我都有拍下他唱這句時的古怪樣呀~~~ S更拍了片! 犀利!
啊哈哈哈哈! 太好笑喇~~ 因為顧著笑，HH那刻的自拍照是失敗的~ 嘻!