【報紙】掛住買嘢 老婆唔見咗都唔知

* 編按:
恩愛夫妻~ 嘟嘴潮佬~

日期: 2014年11月17日
來源: 蘋果日報

張衞健掛住買嘢 老婆唔見咗都唔知

49歲嘅張衞健同張茜結婚接就嚟六年，呢對恩愛夫妻人前人後都好恩愛，噚晚7點左右，頭戴冷帽、著住紫色長褸同揹住背囊嘅健仔，一身潮佬做型同老婆喺銅鑼灣利園行街，向來注意外表嘅健仔明顯仲鍾意買嘢過張茜，甫入店即撇甩老婆四圍巡查新貨品，相反張茜則無目標似的在店內閒逛。

張茜無目標似的在店內閒逛。

後來健仔發現老婆唔見咗，即刻嘟住個嘴。

雖然張茜都有拎起啲大褸睇，但每次睇完價錢牌就放回原位，期間仲去咗一次廁所，之後健仔發現老婆唔見咗，即刻嘟住個嘴出去四圍望，仲好緊張咁拎住電話，應該係向老婆發短訊，冇幾耐張茜去完廁所返嚟，發現老公搵緊佢，兩個對望忍唔住笑咗出嚟，真係甜到暈。