【報紙】蘇永康有醉爆伴郎團坐陣

* 編按:
雖然阿公才是主角，但張生每一張都好搶鏡! 影依D相又點會難到佢? 哈哈哈哈哈!

日期: 2014年11月25日
來源: 東方日報

拉斯維加斯影婚照　蘇永康有醉爆伴郎團坐陣

歌手蘇永康與圈外女友Anita將於下周二（12月2日）假酒店舉行婚禮，早前兩人在拉斯維加斯拍婚紗照，剛巧BIG FOUR月前到當地巡唱，於是康仔就邀請一眾友好在工作過後留下來幫忙。除了BIG FOUR成員許志安，張衞健（Dicky），梁漢文外，鄧建明（Joey）、錢國偉等亦一同幫忙於照片中客串，齊齊並且仿傚電影《醉爆伴郎團》。為了今次拍攝，一班好朋友不惜完騷後捱通宵，連妝也不落就直接集合拍照，令他十分感激。

蘇永康同Anita喺拉斯維加斯影同班醉爆伴郎團，影嘅婚照曝光喇！

在這輯婚紗照中，康仔與一班好友坐在大型豪華轎車中大喝香檳。期間，Dicky拿香檳倒在錢國偉頭上，許志安更加是飲到於車上除鞋晒大腳板，而飲到面紅紅的梁漢文，則於一房間中扮證婚神父，拿着酒又再狂隊，相當搞笑！康仔表示：「佢哋成班友仔的確係真飲，唔係假飲，哈哈！我同我老婆就冇飲，因為我哋仲要影好多相，佢哋陪我哋影完，再返酒店繼續飲天光，我同老婆之後就入沙漠影相， 一定唔可以飲醉。」

Dicky high爆將香檳倒喺錢國偉頭上！

安仔仲連鞋都唔着。

飲！飲！飲！

入到房照飲，勁迷幻呀！

畀班醉爆伴郎圍。

過大禮當日，安仔負責抬燒豬。力的表現！

Eason阿徐做證婚人

康仔預告結婚當日，晚上會筵開四至五十酒席。據知兄弟團名單有BIG FOUR、草蜢、吳國敬、歐陽德勛、劉浩龍、雷頌德、王傲山及陳惠源。至於姊姐妹團就出動兄弟團的老婆及好友。康仔又笑言：「陳奕迅同徐濠縈會做證婚人幫我哋簽紙。」

日前康仔進行過大禮儀式，好友安仔親自出動幫忙抬燒豬，康仔說：「安仔真係唔話得！過大禮當日全程幫手，佢夠大隻有體力，擔得抬得， 所以我都冇叫Dicky嚟幫手，隻豬成個人咁大，Dicky抬到扯晒蝦就唔好啦，哈哈。」