來源: 忽然一周
蘇康下月結婚 安仔：唔好搵張衛健做司儀！
下個月就係蘇永康嘅婚禮，而身為好兄弟嘅安仔就話唔擔心被玩？佢話：「冇底線啦，一世人一次，都戥佢哋開花結果開心，我哋其他Big 3（梁漢文、張衛健）實飲醉。」安仔今次仲大爆張衛健喺上次梁漢文結婚做司儀，點知個婚宴未開始，佢已經醉到瞓咗喺新娘房：「所以千祈唔好搵張衛健做司儀！」
叫蘇永康個婚禮唔好搵張衛健做司儀，咁安仔你個婚禮又會搵邊個做你司儀呢？
口才了得嘅張衛健，原來酒量唔係咁得喎！
唔怪得當年喺梁炳嘅婚禮上面，張衛健好早就唔見人，原來未開席就醉咗！
下月2號就同女友馮翠珊結束8年愛情長跑嘅蘇康，擺酒地點會喺香港洲際酒店，仲會筵開40席。
沒有留言:
發佈留言