來源: 東方日報
蘇永康老貓燒鬚走錯位 梁漢文掩嘴喪笑
歌手吳國敬在紅館一連兩場《敬‧愛音樂》30載作品展音樂會正式開鑼，不擅辭令的阿敬坦言自己非常緊張，故再次邀請張衞健上台做司儀。
阿敬為求答謝臉Dicky即興玩男男之吻，被吻的Dicky只能苦笑：「幾驚佢伸脷！」他表示一早已認定阿敬是最好朋友之一，Dicky指多年前經濟拮据，問阿敬借500元，雖然當時阿敬只有1,000元仍樂意借出：「佢借咗一半身家畀我！」Dicky又大爆開騷前收到酬勞，本身沒想過有酬勞的他詢問下，吳國敬表示是化妝整頭的錢，光頭的他隨即笑說：「我都有整頭錢？」
吳國敬為咗答謝張衞健做司儀即場上演男男之吻，張衞健仲搞笑話好彩佢無伸脷。
張衞健大讚吳國敬夠義氣，喺自己有難時可以分一半身家出嚟救急。
Dicky之後Big4另一成員梁漢文現身，Edmond表示10多年前初學作曲，到阿敬家聽到一段音樂時詢問對方借來創作，繼而完成《一小時沖印》：「但後來佢同我講番嗰陣佢已經作咗首歌《其實我深深愛着你》。」兩人繼而唱出兩首歌的remix版本。
梁漢文同吳國敬合唱《一小時沖印》同《其實我深深愛着你》嘅remix版本。
無心插柳助蘇康上高峰
緊接着是許志安出場，話不多的他笑阿敬說：「難得見你咁靚仔，但佢最靚係喺佢音樂上。」Big4的蘇永康則是最後出場，阿敬表示當時為蘇永康度身訂造一首歌卻沒有大紅，但一次無心插柳下令蘇永康達到高峰，蘇永康說：「1998年佢有次好嬲話畀人reject歌，當時有陳奕迅，許志安同女友，聽頭兩句Eason已經出咗去煮麵，一半許志安佢哋玩手指，聽完晒係感覺到烏鴉經過，嗰陣我就要咗，收嗰陣都冇諗過咁好成績，將我13年事業第一次推上紅館。」繼而唱出《越吻越傷心》，全場拍手附和。
許志安大讚吳國敬靚仔。
無心插柳下一首《越吻越傷心》令蘇永康的事業登上高峰。
吳國敬與Big4大合照。
最後Big4所有成員一同上台，而當晚正值蘇太生日，阿敬亦帶頭領唱生日歌，最後他們合唱《老死》，期間又發生搞笑事，事關他們沒有溝通好，眾人均走向一邊觀眾時，蘇永康獨自走到另一邊，後來才得悉他們在另一邊，趕快跑回大隊。
喺合唱時蘇永康老貓燒鬚走錯位。
蘇永康知出事即刻返埋去大隊，行頭嘅梁漢文就笑唔停口，連歌都唱唔到。
沒有留言:
發佈留言