【報紙】吳國敬自爆上蘇康屋企過夜 留下人生污點

日期: 2015年4月6日
來源: 東方日報

吳國敬自爆上蘇康屋企過夜　留下人生污點

吳國敬假紅館舉行的一連兩場《敬·愛音樂吳國敬30載作品展音樂會》來到尾場，繼續由好友張衞健（Dicky）擔任主持為音樂會搞氣氛，阿敬卻突然對Dicky說：「我見你好似有頭髮生緊出嚟嘅！」Dicky笑說：「我用緊霸王吖嘛。」

吳國敬尾場騷，老友齊齊爆料！

張衞健繼續擔任主持搞氣氛。

張衞健搞笑話自己用緊霸王。

掛住聽賽果唔去慶功

他再邀請Big4其他成員上台，接着上台的梁漢文（Edmond）亦爆阿敬大鑊，指他在完成2003年的紅館個唱後，第一時間不是回到後台，反而拿着電話離開紅館：「我哋諗佢唔係真係唔返嚟掛？之後佢都有返嘅，我哋問佢去咗邊，原來佢出咗去聽跑馬嘅賽果！」

梁漢文爆吳國敬料，話吳國敬2003年演唱會完咗之後唔係返後台，而係去咗聽賽果。

安仔第三位出場，但就冇咩講嘢，淨係讚阿敬作品好聽。

第三位出場的安仔沒有講太多說話，只有讚阿敬的作品好聽，而最後出場的Big 4成員就是蘇永康，他在台上透露自己在早上曾經失聲，原因是之前消夜食得太辣，最終要打類固醇針開聲，之後阿敬就分享了到蘇康家過夜的趣事：「佢叫我擦牙，我見到有兩枝，就事旦用一枝，之後佢問我用咗邊枝，我話好似係左邊嗰枝，佢就話右邊嗰枝先係你㗎，左邊嗰枝我全家攞嚟擦底褲㗎！」其後阿敬與Big 4四子一同合唱，為免蘇康再次走錯位，他們亦有提醒蘇康說：「呢邊呀！」

蘇康自爆失聲，最後要打類固醇針開聲。

五兄弟齊齊合唱。

阿敬又與觀眾們玩Selfie，並玩問題遊戲送禮物。而去到演唱會尾聲，阿敬獻唱寫給女友Elaine的歌《你卻叫我更快樂》時一度哽咽和落淚，台下的Elaine亦拿着紙巾抺眼淚，之後阿敬唱出最後一首歌《我說過要你快樂》，全場觀眾亦跟着大合唱，為音樂會劃上完美句號。