【雜誌】《大時代》效應: 大台癲劇翻叮

* 編按:
《龍兄鼠弟》真係幾好睇架! 題材也真的很破格，即使這麼多年後再看也覺得很新鮮!
(所以內文才會感嘆「都唔知應該讚以前啲劇勁，定話依家啲劇屎」.... 唉........ )
雖然陸亞彩有時講野係煩到死，部份對白又長氣，但單是眼神和髮型已很吸引~
這套劇的整體節奏確實不錯，跟陳法蓉及朱茵的對手戲更加要睇~ 後段更是令人停不下來!!
另一特點是此劇有很多插曲，其中張先生還開金口，唱了一小段《一起走過的日子》，
這首比較多人談及，可是我更喜歡另一首翻唱的插曲《陌上歸人》~ 也很好聽~

日期: 2015年5月1日
來源: 忽然1周第1031期，靚抽王

《大時代》效應: 大台癲劇翻叮 (節錄)

冇人估到，一套 23年前開播， 18年前重播過嘅劇集，依家竟然會再次掀起熱潮。都唔知應該讚以前啲劇勁，定話依家啲劇屎，又唔知大台以後會唔會同亞視一樣剩番重播？點都好，觀眾對《大時代》呢啲第一集就掟人落街嘅癲劇確係情有獨鍾。
好！我哋就做吓好心，睇吓《大時代》播完仲有乜嘢陳年癲劇可以播啦？

《龍兄鼠弟》（ 1993）


賣點：癲佬教你做人道理
淨睇卡士已經非常吸引，龍兄萬梓良加鄭則士兩大影帝，仲有鼠弟張衞健同當時青春可人嘅朱茵。套劇講萬子飾演一名極度偏執嘅醫生雷文鳳，為咗幫由張衞健飾演的義弟陸亞彩翻案（其父被鄭則士所殺再灶底藏屍）而愈嚟愈癲，手段無所不用其極。

同《大時代》相似嘅係，呢套嘢，第一集已經玩到好大，倒敍法講萬子入咗精神病院被研究，但啲醫生不單止唔能夠判定佢有無精神病，反而俾萬子分析佢哋邊個係精神分裂同性變態，癲得嚟甚具創意。

結論：提議大台將重播劇放喺黃金時間度播，新拍嗰啲就留番半夜，唔好搞到觀眾要捱更抵夜嘛！